The news is by your side.

Advertisement

روزے داروں کا ایک اور امتحان، محکمہ موسمیات کی بڑی پیشگوئی

کراچی : محکمہ موسمیات نے شہر قائد میں رواں ہفتے موسم شدید گرم رہنے کی پیش گوئی کرتے ہوئے کہا شمال مغرب سے داخل ہونے والی گرم ہوائیں شہر پراثر انداز رہ سکتی ہیں۔

تفصیلات کے مطابق محکمہ موسمیات نے کراچی کے موسم کی صورتحال کے حوالے سے کہا ہے کہ شہرمیں آج سے درجہ حرارت میں اضافے کا امکان ہے ۔

محکمہ موسمیات کا کہنا تھا کہ شہر قائد میں رواں ہفتے موسم شدید گرم اور مرطوب رہے گا اور شمال مغرب سے داخل ہونے والی گرم ہوائیں شہر پراثر انداز رہ سکتی ہیں۔

گرم ہواوں کے سبب شہر کے درجہ حرارت میں اضافہ متوقع ہے اور پارہ اڑتیس ڈگری سینٹی گریڈ تک جاسکتا ہے۔

محکمہ موسمیات کے مطابق آج شہر کا کم سے کم درجہ حرارت 27.5 ڈگری ریکارڈ کیا گیا جبکہ درجہ حرارت 36 سے 38 ڈگری رہے گا۔

شہر کا موجودہ درجہ حرارت 33 ڈگری سینٹی گریڈ اور ہوا میں نمی کا تناسب 44 فیصد ہے جبکہ 27 کلو میٹر فی گھنٹہ کی رفتار سے ہوا چل رہی ہے۔

Comments

یہ بھی پڑھیں