کراچی : محکمہ موسمیات نے 21 اور 22 جنوری سے سردی کی نئی لہر کراچی میں داخل ہونے کی پیش گوئی کردی۔
تفصیلات کے مطابق محکمہ موسمیات نے کراچی کے موسم کے حوالے سے بتایا ہے کہ آئندہ 24 گھنٹوں کے دوران موسم سرد اور خُشک رہےگا، آج کم سے کم درجہ حرارت 9 ڈگری سینٹی گریڈ ریکارڑ ہوا.
محکمہ موسمیات کا کہنا تھا کہ صبح کے اوقات میں ہلکی دُھند کے باعث حدِ نگاہ 3 کلومیٹرریکارڈ ہوئی اور ذیادہ سے ذیادہ درجہ حرارت 25سے 27 ڈگری سینٹی گریڈرہنے کا امکان ہے۔
21 اور 22 جنوری سےسردی کی نئی لہر کراچی میں داخل ہوگی، اس دوران معمول سے تیز شمال مشرقی ہوائیں چل سکتی ہیں۔
کراچی میں سردی کی نئی لہر کے دوران بارش کا کوئی امکان نہیں ہے، دیہی سندھ کے مختلف اضلاع میں ہلکی بارش اوربونداباندی متوقع ہے۔
