کراچی: محکمہ موسمیات نے اگلے ہفتے ملک میں ایک اورہیٹ ویو کی پیشگوئی کردی ، ماہرین نے عوام کو ہیٹ ویو سے بچنے کیلئے احتیاطی تدابیر کی ہدایت کی ہے۔
تفصیلات کے مطابق محکمہ موسمیات نے آئندہ ہفتے ملک بھر میں ہیٹ ویو کی پیشگوئی کرتے ہوئے کہا بالائی پنجاب، اسلام آباد ، خیبرپختونخوا، گلگت بلتستان اور کشمیرمیں پارہ نو ڈگری معمول سے زیادہ رہنے کی توقع ہے۔
محکمہ موسمیات کا کہنا ہے کہ بالائی اور وسطی سندھ ، وسطی اور جنوبی پنجاب اور بلوچستان میں درجہ حرارت آٹھ ڈگری معمول سے زیادہ رہنے کا امکان ہے۔
ماہرین نے عوام کو ہیٹ ویو سے بچنے کیلئے احتیاطی تدا بیر کی ہدایت کردی ہے جبکہ شدید گرم اورخشک موسم کے باعث آبی ذخائر، فصلوں،سبزیوں اور باغات کو پانی کی کمی کا خدشہ ہے۔
دوسری جانب محکمہ موسمیات کے مطابق کراچی میں ہیٹ ویو کا خطرہ ٹل گیا اور مئی کے وسط تک کراچی میں ہیٹ ویو کا کوئی امکان نہیں۔
محکمہ موسمیات کا کہنا ہے کہ صبح کے وقت درجہ حرارت 27 ڈگری سینٹی گریڈ کیا گیا جبکہ زیادہ سے زیادہ درجہ حرارت 38 ڈگری سینٹی گریڈ ریکارڈ ہونے کا امکان ہے۔
