The news is by your side.

Advertisement

محکمہ موسمیات نے ملک میں بارشوں کے نئے سلسلے کی نوید سنادی

کراچی : محکمہ موسمیات نے ملک میں بارشوں کے نئے سلسلے کی نوید سنادی اور کہا منگل اور بدھ کوجنوبی پنجاب میں بارشیں ہوں گی، بارشوں کا پانی گندم کی فصل کے لیے مفید ہوگا۔

تفصیلات کے مطابق محکمہ موسمیات نے ملک بھر میں نئے بارشوں کے سلسلے کی پیش گوئی کرتے ہوئے کہا کل سے براستہ بلوچستان پاکستان میں مغربی ہواؤں کانظام داخل ہوگا اور یہ نظام ملک بھر میں بارشوں کا باعث بنے گا۔

محکمہ موسمیات نے کہا منگل اور بدھ کوجنوبی پنجاب میں بارشیں ہوں گی، لاہور میں بدھ کو بارش کا امکان ہے ، جو 3دن جاری رہے گی ، بالائی پنجاب ،کے پی ، گلگت بلستان ، آزاد کشمیر میں بھی بارشیں متوقع ہے۔

محکمہ موسمیات کے مطابق بارشوں سےمیدانی علاقوں میں سردی اورپہاڑی علاقوں میں برف باری کاامکان ہے، بارشوں کا پانی گندم کی فصل کے لیے مفید ہوگا جبکہ گندم کی فصل کو ژالہ باری ، آندھی اور طوفان سےنقصان کا خدشہ ہے۔

ذرائع کا کہنا ہے کہ بارشوں کے پانی کے باعث کسان کو بچت ہوئی ، سندھ میں گندم کو نقصان ہو سکتا ہے جبکہ گنے کی کاشت اور آلو کی کھدائی بارش کے باعث متاثر ہوگی۔

دوسری جانب محکمہ موسمیات نے آئندہ چوبیس گھنٹوں میں کراچی،کوئٹہ،لاہور،راولپنڈی،اسلام آباد،پشاور سمیت ملک کےبیشتراضلاع میں موسم خشک رہنے کی پیشگوئی کی ہے،جبکہ گلگت بلتستان میں مطلع ابرآلود رہنے سمیت گرج چمک کیساتھ بارش بھی متوقع ہے۔

fb-share-icon0
Tweet 20

Comments

comments

یہ بھی پڑھیں