The news is by your side.

Advertisement

تیز آندھی ، محکمہ موسمیات نے کراچی والوں کو خبردار کردیا

کراچی : محکمہ موسمیات نے خبردار کیا ہے کہ کراچی میں آج شام پھر تیز آندھی چلنے کا امکان ہے تاہم موسم گرم، مرطوب اور مطلع جزوی ابرآلود رہے گا۔

تفصیلات کے مطابق محکمہ موسمیات کا کہنا ہے کہ کراچی میں موسم گرم، مرطوب اور مطلع جزوی ابرآلود رہے گا، آج شام کے وقت تیزہواؤں کےساتھ ہلکی بارش کاامکان ہے ۔

کراچی کاموجودہ درجہ حرارت30ڈگری سینٹی گریڈ اور ہوا میں نمی کاتناسب74فیصد ہے،آج زیادہ سےزیادہ درجہ حرارت 35 ڈگری تک جاسکتا ہے۔

دوسری جانب ملک کے بیشترعلاقوں میں موسم گرم اورخشک ہے، محکمہ موسمیات کے مطابق جنوبی پنجاب،خیبرپختونخوا،شمال مشرقی بلوچستان، کشمیر اور گلگت بلتستان میں آندھی اورگرج چمک کے ساتھ بارش متوقع ہے جبکہ سندھ کے اضلاع میں بھی بعض مقامات پرگردآلود ہوائیں چلنے اورگرج چمک کے ساتھ بارش کا امکان ہے۔

مزید پڑھیں : کراچی میں مٹی کا طوفان، تین جاں بحق، 15 زخمی

یاد رہے گذشتہ روز کراچی کے مختلف علاقوں میں تیز ہواؤں کے ساتھ مٹی کا طوفان آیا تھا ، جس کے نتیجے میں تین افراد جاں بحق جبکہ 15 لوگ زخمی ہوگئے تھے۔

کراچی میں طوفان کے بعد کھمبے اور درخت بھی اکھڑ گئے ، مکان کی دیوار اور چھت گرنے کے واقعات پیش آئے جبکہ طوفان کے بعد حد نگاہ 6 کلومیٹر سے کم ہوکر صرف 500 میٹر رہ گئی، غیر متوقع آندھی کی وجہ سے ایئرپورٹ پر ہنگامی اقدامات کیے گئے۔

fb-share-icon0
Tweet 20

Comments

comments

یہ بھی پڑھیں