site
stats
پاکستان

کراچی میں جمعے کو بارش اور سردی کی لہر مزید 2 سے 3روز جاری رہنے کا امکان

کراچی : ملک میں برفباری اور بارشوں کا سلسلہ تھمنے کے بعد سردی کی شدید لہر برقرار ہے ۔ محکمہ موسمیات کے مطابق اگلےدوسے تین روز شدید سردی کی لہر بر قرار رہے گی جبکہ جمعے کو کراچی میں موسم سرما کی پہلی بارش کا امکان ہے۔

بالائی علاقے ہو یا میدانی شدید سردی کی لہر نے شہریوں کی قلفی جما دی، بالائی علاقوں میں برفباری کا سلسلہ تھم چکا ہے مگر ٹھنڈ نے ہر چیز جما دی ہے ، بنوں میں فصلوں پر اوس گرتے ہی جم گئی جبکہ شدید سردی نے شہریوں کو گھروں تک محصور کردیا ہے۔

محکمہ موسمیات کا کہنا ہے کہ کراچی، ٹھٹہ، حب اورگڈانی سمیت سندھ اوربلوچستان کے بعض ساحلی علاقے نچلی سطح کے بادلوں سے گھرے ہوئے ہیں جوکہ جمعے تک ہلکی بارش کا باعث بن سکتے ہیں، بارش کی صورت میں کراچی کا درجہ حرارت 2 سے 3 سینٹی گریڈ تک کم ہوسکتا ہے تاہم اس سے شہرمیں چھائی گرد وغبارکی فضا اورموسمی بیماریوں سے چھٹکارہ مل جائے گا۔

محکمہ موسمیات کے مطابق ملک کے بیشتر علاقوں میں سردی کی لہر مزید دو روز جاری رہنے کا امکان ہے جبکہ آئندہ چند روز میں پنجاب اور خیبرپختونخوا کے میدانی علاقوں میں کورا پڑنے کا بھی امکان ہے۔

محکمہ موسمیات کا کہنا ہے کہ اگلے دو روز کے دوران کراچی سمیت ملک کے ساحلی علاقوں میں رات کے درجہ حرارت میں مزید کمی کا امکان ہے۔

کوئٹہ میں درجہ حرارت منفی آٹھ،اسلام آباد صفر،پشاور دو،لاہور تین اور کراچی میں نو ڈگری سینٹی گریڈ ریکارڈ کیا گیا۔

گزشتہ روز سب سے کم درجہ حرارت کالام میں منفی پندرہ ڈگری سینٹی گریڈ ریکارڈ کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top