آئندہ مون سون میں بارشوں سے کراچی میں سیلاب کا خدشہ ہے، محکمہ موسمیات -
The news is by your side.

Advertisement

آئندہ مون سون میں بارشوں سے کراچی میں سیلاب کا خدشہ ہے، محکمہ موسمیات

کراچی: محکمہ موسمیات نے وزیراعظم کو خط میں آگاہ کیا ہے کہ آئندہ مون سون میں سندھ بالخصوص کراچی میں بارشیں معمول سے زیادہ ہونگی جس کے نتیجے میں سیلاب کا خدشہ ہے ۔

محکمہ موسمیات نے وزیر اعظم کو خط لکھ کر آگاہ کیا ہے کہ آئندہ مون سون میں سندھ بالخصوص کراچی میں بارشیں معمول سے زیادہ ہونگی، خط میں کہا گیا کہ مون سون بارشوں کے سبب سندھ اور کراچی میں سیلاب کا خدشہ ہے۔

محکمہ موسمیات کے خط کے مطابق زیادہ بارشوں سے حب ڈیم میں پانی کی سطح بہتر ہوگی جس سے کراچی کو پانی کی فراہمی میں اضافہ ہوگا۔

محکمہ موسمیات کا کہنا ہے کہ کوہ سلیمان اورخیبر پختون خوا میں بھی شدید بارشوں کا خدشہ ہے تاہم ملک کے دیگر حصوں میں مون سون معمول کے مطابق ہوگا۔

محکمہ موسمیات کے خط پر وزیر اعظم ہاؤس نے چاروں صوبوں کو مون سون کے حوالے سے الرٹ جاری کر دیئے ہیں۔

Comments

comments

یہ بھی پڑھیں