The news is by your side.

Advertisement

جمعےکی رات سےکراچی میں موسلادھار بارش کاامکان، اربن فلڈنگ کا خدشہ

کراچی : چیف میٹرولوجسٹ سردار سرفراز کا کہنا ہے کہ کراچی میں جمعےکی رات سے گرج چمک کےساتھ بارش کاامکان ہے ، جس سے ہفتے اور اتوار کو اربن فلڈنگ کا خدشہ ہے۔

تفصیلات کے مطابق ہ موسمیات کی جانب سے “ویدر وارننگ” جاری کردی ہے ، جس میں کہا گیا ہے کہ شمالی خلیج بنگال میں مون سون کا کم دباؤ پیدا ہوا ہے ، مون سون سسٹم9 اگست کی صبح بھارتی گجرات پہنچ جائے گا۔

محکمہ موسمیات کا کہنا ہے کہ 9 سے 11 اگست تک کراچی،حیدرآباد،بدین ،ٹھٹھہ ، میرپورخاص، حیدرآباد ،شہید بینظیرآباد میں تیزبارش کاامکان ہے ، کراچی ، حیدرآباد میں ہفتے اور اتوارکواربن فلڈنگ کاخدشہ ہے ، متعلقہ حکام کو احتیاطی تدابیر اختیار کرنے کا مشورہ دے دیا ہے۔

چیف میٹرولوجسٹ سردار سرفراز نے کہا ہے کہ کراچی میں جمعےکی رات سے گرج چمک کےساتھ بارش کاامکان ہے ، بارش کا سلسلہ سندھ میں 9 سے 12 اگست تک جاری رہے گا۔

سردار سرفراز کا کہنا تھا کہ آنے والا بارش کاسلسلہ مون سون کا سب سے طاقتور سلسلہ ہے، خلیج بنگال میں ہوا کاکم دباؤ ڈیپ ڈپریشن کی صورت اختیار کرچکا ہے، 9 اگست کو بارش کا نظام سندھ میں مشرق کی جانب سے داخل ہوگا۔

مزید پڑھیں: کراچی میں عید الاضحی پر موسلادھاربارش کا امکان

خیال رہے چیف میٹرولوجسٹ کا کہنا تھا کہ 10 اگست تک کراچی میں بارش کا کوئی امکان نہیں ہے، خلیج بنگال میں بننے والے سسٹم کو مستقل مانیٹر کررہے ہیں۔

دوسری جانب ملک کے بیشترعلاقوں میں موسم گرم اورمرطوب رہےگا اور کراچی میں موسم جزوی طور پر ابر آلود رہنے کا امکان ہے۔

محکمہ موسمیات کے مطابق ہزارہ، راولپنڈی، گوجرانوالہ، لاہور اسلام آباد اور کشمیر میں کہیں کہیں جبکہ سرگودھا، فیصل آباد، ڈی جی خان ، ژوب، قلات ڈویژن چند مقامات پرتیزہواوٗں اور گرج چمک کے ساتھ بارش کا امکان ہے۔

اس دوران ہزارہ، راولپنڈی، گوجرانوالہ، لاہور ڈویژن، اسلام آباد اور کشمیر میں چند مقامات پر موسلادھار بارش بھی ہو سکتی ہے ۔ملک کے دیگرعلاقوں میں موسم گرم اور مرطوب رہے گا۔

Comments

comments

یہ بھی پڑھیں