The news is by your side.

Advertisement

ہیٹی میں سمندری طوفان نےتباہی مچادی

ہیٹی: سمندری طوفان ’میتھیو‘ ہیٹی اور ڈومینکین ری پبلک میں تباہی مچانے کےبعدکیوبا کے ساحل کی جانب گامزن ہے۔

ہیٹی میں گزشتہ دہائی کے دوران آنے والے سب سے شدید طوفان نے نظام زندگی کودرہم برہم کرکے رکھ دیا۔طوفان کے نتیجےمیں ایک سو پینتالیس میل فی گھنٹہ کی رفتارسے ہوائیں چلنےاورطوفانی بارشوں کاسلسلہ جاری ہے۔

طوفان کے باعث کئی عمارتیں منہدم ہوگئیں جبکہ مواصلاتی نظام کوشدید نقصان پہنچاہے۔کیٹگری فور کےطوفان نےڈومینیکن ریپبلک میں بھی تباہی مچائی اورچار افرادکی جان لےلی ہے۔

ہیٹی اورڈومینیکن ریپبلک میں تباہی مچانے کےبعدمیتھیو نامی طوفان اب کیوباکے ساحل کی جانب رواں دواں ہے۔

اقوامِ متحدہ کے مطابق 2010 کے زلزلے کے بعد ہیٹی میں آنے والا یہ سیلاب انسانی تاریخ کا بڑا المیہ ہے، 10 ہزار افراد بے گھر ہوچکے ہیں اور اسپتالوں میں پینے کے صاف پانی کی قلت پیدا ہوچکی ہے۔

اقوامِ متحدہ کے ذیلی ادارے یونیسف کے مطابق اس وقت کم از کم چالیس لاکھ بچے طوفان کی تباہ کاریوں کی زد پر ہیں اور ان میں پانی سے پیدا ہونے والی بیماریاں پھیلنے کا امکان ہے۔

Comments

comments

یہ بھی پڑھیں