The news is by your side.

Advertisement

غیرملکی سفیر چوری کرتے پکڑے گئے، ویڈیو دیکھیں

پوسا ڈاس: ارجنٹینا میں تعینات میکسیکن سفیر کتاب چوری کرتے ہوئے رنگے ہاتھوں پکڑے گئے۔

غیرملکی میڈیا رپورٹ کے مطابق ارجنٹائن میں تعینات میکسیکو کے سفیر آسکر ریکارڈو والیرو 10 ڈالر مالیت کی کتاب چوری کرتے ہوئے سی سی ٹی وی کیمرے میں آگئے۔

رپورٹ کے مطابق 76 سالہ سفیر ایل اتینیو لائبریری گئے جہاں اُن کو اپنی پسندیدہ کتاب نظر آئی تو انہوں نے اُسے اٹھا کر جائزہ لیا اور اسے اخبار میں لپیٹ کر چلتے بنے مگر سی سی ٹی وی نے اس سارے منظر کو محفوظ کرلیا۔

میکسیکو کی حکومت نے فوری طور پر سفیر کو عہدے سے سبک دوش کر کے انہیں وطن واپس بلا لیا جہاں اُن سے چوری سے متعلق تفتیش بھی کی جائے گی اور اگر وہ قصور وار پائے گئے تو انہیں سزا دی جائے گی۔

وزیرخارجہ میکسیکو نے اپنے ٹویٹ میں بتایا کہ ’اگر کتاب چوری کرنے کا جرم ثابت ہوجاتا ہے تو سفیر کو فوری طور پر ملازمت سے برطرف کردیا جائے گا البتہ ابھی معاملہ کی تحقیقات جاری ہیں اس لیے کچھ بھی کہنا قبل از وقت ہوگا‘۔

Comments

comments

یہ بھی پڑھیں