میکسیکو کی معروف ٹک ٹاک اسٹار ماریان اِزاگیرے کی کئی دن سے لاپتہ ہونے کے بعد پُراسرار طور پر موت واقع ہوگئی۔ اچانک موت کے باعث مداحوں کی جانب سے تشویش کا اظہار کیا جارہا ہے۔
غیر ملکی میڈیا کے مطابق مشیواکان کے اٹارنی جنرل کے دفتر کی جانب سے ٹک ٹاک اسٹار ماریان اِزاگیرے کی موت کی تصدیق کرتے ہوئے کہا گیا ہے کہ دوران علاج وہ شدید طبی مسائل کا شکار ہوگئی تھیں جس کے باعث وہ دماغی طور پر مفلوج ہوچکی تھیں۔
رپورٹس کے مطابق 23 سالہ ماریان یکم ستمبر کو لاپتہ ہوئی تھیں، جس کا مقدمہ ان کے گھر والوں نے درج کرادیا تھا، پانچ دن بعد حکام نے انہیں مشیواکان کے شہر موریلیا کے ایک ہوٹل سے برآمد کیا جہاں وہ کئی دن سے مقیم تھیں، ان کی گاڑی کو بھی اسی ہوٹل سے برآمد کیا گیا تھا۔
معاملہ سامنے آنے پر ریسکیو حکام نے انہیں فوری اسپتال منتقل کیا، بعد ازاں ان کی طبی حالت مزید بگڑتی گئی اور ان کی موت واقع ہوگئی جبکہ حکام نے اس حوالے سے تحقیقات کا آغاز کردیا ہے۔
معروف اسٹار کے ٹک ٹاک پر 40 لاکھ سے زائد فالورز موجود ہیں، لاپتہ ہونے سے پہلے انہوں نے ایک ویڈیو شیئر کی تھی، جس سے ان کے چاہنے والے تشویش میں مبتلا ہوگئے تھے، اس 33 سیکنڈز کی ویڈیو میں وہ کلاؤن میک اپ میں اداس اور آنکھوں میں آنسو لیے موسیقی پر لب ہلا رہی تھیں۔
پاکستان ٹی وی اور اسٹیج کے لیجنڈ اداکار انتقال کر گئے
ٹک ٹاک اسٹار نے ویڈیو کے کیپشن میں تحریر کیا تھا کہ میری محبت کے سارے وعدے تمہارے ساتھ جائیں گے، تم کیوں جا رہے ہو؟‘ جبکہ مداحوں نے کمنٹس میں ان سے حوصلہ رکھنے اور محفوظ رہنے کا کہا تھا۔
ٹک ٹاک اسٹار کے لاپتہ ہونے کی اطلاع البا الرٹ سسٹم کے ذریعے دی گئی تھی جس میں ان کی آخری نقل و حرکت اور ذاتی تفصیلات کو شائع کیا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں