میکسیکو : ٹی وی شو کے دوران شیر نے بچے پر حملہ کر دیا، اس واقعہ کی ویڈیو انٹرنیٹ پر وائرل ہو گئی ہے، جسے اب تک لاکھوں لوگ دیکھ چکے ہیں۔
میکسیکو میں لائیو شو کے دوران اس وقت صورتحال انتہائی گھمبیر ہوگئی، جب ایک شیر نے اچانک شیر خوار بچے پر حملہ کر دیا، جس کے بعد بچے نے چیخنا اور رونا شروع کردیا ،حملے کے وقت بچہ ماں کی گود میں بیٹھا تھا اور شیر کے دو ٹرینرز شیر کی ٹرینگ کے حوالے سے ناظرین کو آ گاہ کر رہے تھے۔
پروگرام کے پروڈیوسر نے اسی دوران بریک لے لیا، بریک کے دوران ٹرینر نے بامشکل شیر کی گرفت سے بچے کو آزاد کرایا، جس کے بعد ایک ٹرینر شیر کو اسٹوڈیو سے باہر لے گیا جبکہ دوسری خاتون ٹرینر نے بچے کو گود میں لے کر چپ کرانے کی کوشش شروع کر دی اور پھر بچے کو اس کی ماں اسٹوڈیو سے باہر لے گئی۔
تھوڑی دیر بعد لائیو شو دوبارہ شروع ہوا تو صرف ٹرینر اور میزبان موجود تھے۔
