میکسیکو: نو منتخب میکیسیکن میئرکو حلف برداری کے چوبیس گھنٹے کے اندر متعدد مسلح افراد نے قتل کردیا۔
تفصیلات کے مطابق میکسیکو سے 55 کلومیٹرکے فاصلے پرواقع شہر ٹیمیکسیکو میں 33 سالہ گیسالہ موتا کو نامعلوم مجرمان نے حلف اٹھانے کے چوبیس گھنٹے کے اندر گھرمیں داخل ہوکر اندھا دھند فائرنگ کرکے قتل کردیا۔
واضح رہے کہ ٹیمیکسیکو نامی یہ شہر منظم جرائم اور منشیات کی اسمگلنگ کا گڑھ سمجھا جاتا ہے تاہم میئر کے قتل کے بعد ایسا محسوس ہورہا ہے کہ اب مجرمان کا صفایاکیا جائے گا۔
حکومتی ذرائع کے مطابق میئر پرقاتلانہ حملے میں ملوث دو مبینہ ملزمان ایک مقابلے میں مارے گئے جبکہ ایک شخص کو گرفتارکیا گیا ہے۔
اس موقع پر میکسیکوکی ریاست مورالیزکے گورنر گراسو رامیرز نے مجرمان کے ساتھ کسی بھی قسم کی نرمی نہ برتنے کا اعلان کیا ہے۔
واضح رہے کہ گشتہ دہائی میں منشیات کی اسمگلنگ سے متاثرہ میکسیکو میں گینگ وار کے سبب ایک لاکھ سے زائد شہری مارے گئے ہیں۔
