The news is by your side.

Advertisement

میکسیکو: سیکورٹی فورسز کا کریک ڈاؤن،محکمہ تعلیم کادفترخالی کرالیا

میکسیکوسٹی : متنازع تعلیمی اصلاحات کے خاتمے کےلیے حکومت کے ساتھ اساتذہ کے مذاکرات ناکام ہونے کے بعد سیکورٹی فورسز نے کریک ڈاؤن کرتے ہوئے محکمہ تعلیم کادفتر خالی کرالیا.

تفصیلات کے مطابق میکسیکومیں متنازع تعلیمی اصلاحات کے خلاف اساتذہ سراپا احتجاج ہیں،اساتذہ اور ان کے حامیوں نےمیکسیکن ریاست اوکساکا ایجوکیشن ہیڈکوارٹر پرچار ہفتوں سےقبضہ کررکھا تھا.

حکومت کی جانب سےاساتذہ کےساتھ مذاکرات کی ناکامی کےبعد سیکورٹی فورسز نےاساتذہ کے خلاف کریک ڈاون کرتے ہوئےدفتر خالی کرالیا،جس کے بعد اساتذہ اور ان کےحامیوں کی سیکورٹی فورسز کےساتھ جھڑپیں شروع ہوگئیں.

اساتذہ اور ان کے حامیوں نے احتجاج کرتے ہوئے ٹائر جلائے جس پر سیکورٹی فورسز کی جانب سے مظاہرین کو منتشر کرنے کےلیے آنسو گیس کی شیلنگ کی گئی.

میکسیکو سٹی : تعلیمی اصلاحات کیخلاف سیکڑوں اساتذہ کااحتجاج*

یاد رہے کہ میکسیکو میں اساتذہ تعلیمی اصلاحات کی واپسی کے ساتھ ساتھ سیاسی قیدیوں کی رہائی،مستقبل میں گرفتاریاں نہ کیے جانے اور برطرف کیے گئے اساتذہ کی بحالی کے مطالبات منوانے کےلیے احتجاج کررہے ہیں.

Print Friendly, PDF & Email

Comments

comments

یہ بھی پڑھیں