اسلام آباد : پاکستان نے آئی ایم ایف کی مانیٹری پالیسی مزید سخت کرنے کی شرط مان لی، جس کے بعد شرح سود میں دو فیصد اضافے کا امکان ہے۔
تفصیلات کے مطابق پاکستان اور آئی ایم ایف کے درمیان ورچوئل میٹنگ ہوئی ، جس میں تکنیکی سطح پر بات چیت جاری ہے۔
حکام وزارت خزانہ نے بتایا کہ گزشتہ رات دیرتک مذاکرات جاری رہے،آئی ایم ایف حکام ہر نکتے کاتفصیل سے جائزہ لے رہے ہیں۔
پاکستان نے مانیٹری پالیسی مزید سخت کرنے پر اتفاق کرلیا، جس سے مہنگائی کی شرح کے تناسب سے پالیسی ریٹ میں دو فیصد تک اضافے کا امکان ہے۔
شرح سود سترہ سے بڑھ کر انیس فیصد ہوجائےگی، جس سے قرضے مزید مہنگے ہوجائیں گے تاہم شرح سود کا حتمی فیصلہ اسٹیٹ بینک کا مانیٹری پالیسی بورڈ کرے گا۔
وزارت خزانہ کے حکام کا کہنا ہے پاور سیکٹر کے معاملے پر تفصیلات طے کی جا رہی ہیں، پاور سیکٹر کے معاملات طے ہونے کے بعد اسٹاف لیول معاہدہ ہو جائے گا۔
پاکستان نے جون تک غیر ملکی زرمبادلہ حاصل ہونےکےذرائع پربریفنگ دیدی ہےاور آئی ایم ایف کی زرمبادلہ فراہم کرنے والے ممالک سے بھی بات چیت جاری ہے، پاکستان کوجون تک 2 ماہ کی درآمدات کےمساوی زرمبادلہ محفوظ بناناہیں
