The news is by your side.

Advertisement

زبانی جمع خرچ نہیں اب عملی کام کرنے کا وقت ہے، میاں اسلم اقبال

لاہور : صوبائی وزیر اطلاعات میاں اسلم اقبال کا کہنا ہے کہ پرائس کنٹرول میکنزم مستحکم بنا کرمصنوعی مہنگائی روکیں گے، زبانی جمع خرچ نہیں اب عملی کام کرنے کا وقت ہے۔

تفصیلات کے مطابق صوبائی وزیر میاں اسلم اقبال کی زیرصدارت اجلاس ہوا جس میں پرائس کنٹرول میکنزم، اشیا کی قیمتوں ،مجسٹریٹس کی کارکردگی کا جائزہ لیا گیا۔

اجلاس کے دوران پنجاب میں آٹا، چینی، گھی سمیت 18 اشیائےضروریہ کی مانیٹرنگ کا فیصلہ کیا گیا۔

میاں اسلم اقبال نے کہا کہ پرائس کنٹرول میکنزم مستحکم بنا کر مہنگائی روکیں گے، زبانی جمع خرچ نہیں اب عملی کام کرنے کا وقت ہے۔

صوبائی وزیر نے کہا کہ پنجاب میں 20 کلو آٹے کا تھیلا 808 روپے میں فروخت ہوگا، ہر تین ماہ بعد قیمتوں پر نظرثانی کا میکنزم بنایا جائے۔

ن لیگ دور میں سرکاری خزانے سے پی ٹی آئی کیخلاف اشتہارات دیئے گئے، میاں اسلم اقبال

یاد رہے کہ گزشتہ ہفتے صوبائی وزیر اطلاعات میاں اسلم اقبال کا کہنا تھا کہ پنجاب میں ن لیگ نے2009میں بلدیاتی ادارے ختم کیے، حکومتی خزانے سے پی ٹی آئی کیخلاف اشتہارات دیے گئے، اپوزیشن کو پرامن احتجاج یا مارچ کا حق دیں گے۔

میاں اسلم اقبال کا کہنا تھا کہ پنجاب میں ن لیگ نے2009میں بلدیاتی ادارے ختم کیے، پنجاب میں ن لیگ نے2015 میں بلدیاتی انتخابات کرائے، بلدیاتی انتخابات کے بعد دو سال بعد بھی اختیارات نہیں دیے، ن لیگ نے آخری سال میں بلدیاتی اداروں کو اختیارات دیے۔

Comments

comments

یہ بھی پڑھیں