The news is by your side.

Advertisement

میانوالی: پاک فضائیہ کا تربیتی طیارہ گر کر تباہ، معاون خاتون پائلٹ شہید

میانوالی :پاک فضائیہ کا تربیتی طیارہ گر کر تباہ ہوگیا،معاون خاتون پائلٹ مریم مختار شہید ہوگئیں.

تفصیلات کے مطابق میانوالی کے علاقے کندیاں میں بھکڑہ کے قریب پاک فضائیہ کا تربیتی طیارہ ایف 7جو کہ تربیتی پرواز پر تھا گر کر تباہ ہو گیا، طیارے کے پائلٹ اسکواڈرن لیڈر ثاقب عباسی اور فلائنگ آفیسر مریم مختار نے بہادری اور پیشہ وارانہ مہارت کے ذریعے صورتحال پر قابو پانے کی بھرپور کوشش کی تاہم حادثے سے محفوظ نہ رہ سکے.

دونوں پائلٹوں نے جہاز کو آبادی سے دور نکال کر میانوالی کے علاقے کندیاں کے نواح میں اجیکٹ کیا ، طیارہ گرنے سے زمین پر کسی قسم کا کوئی نقصان نہیں ہوا ، تاہم خاتون پائلٹ مریم مختار شدید زخمی ہوئی اور ہسپتال کے راستے میں دم توڑ گئیں جبکہ اسکواڈرن لیڈر ثاقب عباسی معمولی زخمی ہوئے .

پاک فضائیہ ترجمان کے مطابق فوری طور پر طیارہ گرنے کی وجوہات کا معلوم نہیں ہوسکا، انکوائری کے لئے بورڈ تشکیل دیدیا گیا ہے.

فلائنگ آفیسر مریم مختار پاک فضائیہ کی تاریخ میں شہادت کا رتبہ پانے والی پہلی خاتون پائلٹ بن گئی ہیں.

Print Friendly, PDF & Email

Comments

comments

یہ بھی پڑھیں