site
stats
بزنس

اقتصادی راہداری سے پاکستان کے امیج میں اضافہ ہوگا، میاں زاہد حسین

اسلام آباد : پاکستان بزنس مین اینڈ انٹلیکچولز فور م کے صدراور سابق صوبائی وزیر میاں زاہد حسین نے کہا ہے کہ اقتصادی راہداری سے پاکستان کی معاشی ترقی کے علاوہ دفاعی صلاحیت، داخلی سیکورٹی،سیاسی حیثیت اور بین الاقوامی امیج میں بھی زبردست اضافہ ہوگا جو بعض ممالک کو قبول نہیں ہے۔

اپنے ایک بیان میں انہوں نے کہا کہ اس سے پاکستان کے کئی دیرینہ مسائل بھی حل ہو جائیں گے، جس کے بعد ترقیاتی بجٹ میں اضافہ اور غربت میں کمی ممکن ہو جائے گی۔

بھارت کی کوشش کے باوجود ایران اور افغانستان راہداری کے مخالف نہیں ہیں، میاں زاہد حسین کا کہنا تھا کہ چین ہمیشہ سے پاکستان کا انتہائی قابل اعتماد دوست رہا ہے مگر اب کئی دہائیوں پر محیط سیاسی تعلقات اقتصادی رفاقت میں بدل رہے ہیں، جس سے کئی ممالک کی نیندیں اڑی ہوئی ہیں کیونکہ اس منصوبے سے پاکستان کی معیشت پر انتہائی مثبت اثرات پڑیں گے۔

انہوں نے کہا کہ اقتصادی راہداری کی کامیابی کیلئے پاکستان کا پرا من ہونا ضروری ہے جس کے لئے اب چین بھی ہر ممکن کوشش کر رہا ہے۔

میاں زاہد حسین نے کہا کہ چین کا بین الاقوامی اثر رسوخ بڑھ رہا ہے مگر بھارت کبھی اسے کشمیر کے مسئلے میں ثا لثی کی اجازت نہیں دے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top