site
stats
پاکستان

تین فٹ کے دلہا کو جیون ساتھی مل گیا

میانوالی : تین فٹ کے پستہ قد دلہے کو بالآخر اپنے برابر قد والی دلہن مل ہی گئی، پستہ قد جوڑا آج رشتہ ازواج میں منسلک ہوگیا۔

تفصیلات کے مطابق میانوالی کے رہائشی محمد فیاض پستہ قامت کے باعث اپنی شادی کے معاملے میں کافی پریشان تھے تا ہم ان کی مشکل آسان ہوگئی اور محمد فیاض کو اپنے ہی قد و قامت والی دلہن مل گئی، دونوں آج رشتہ ازواج میں بندھ گئے۔

اے آر وائی نیوزکے رپورٹر کا کہنا ہے کہ تین فٹ قد رکھنے والے 27 سالہ محمد فیاض آج اپنے ہی قد کے برابر خاتون مدیحہ نورین کے ساتھ زندگی کا نیا سفر شروع کر رہے ہیں اس پُر مسرت موقع پر دلہا دلہن اور ان کے اہل خانہ بہت خوش دکھائی دے رہے ہیں۔

اہل محلہ نے شادی کی رسومات میں شرکت کر کے دلہا دلہن کے لیے نیک تمناؤں کا اظہار کیا اور خوشی میں بھنگڑے بھی ڈالے۔

اپنی شادی پر خوشی سے نہال دلہا کا کہنا تھا کہ وہ اللہ کا جتنا شکر ادا کرے کم ہے اور وہ اپنی شادی کے لیے نہایت پریشان رہتا تھا تاہم آج ثابت ہو گیا کہ جوڑے آسمانوں پر بنتے ہیں مجھے خوشی ہے کہ میری دلہن بھی میرے قد کے ہی برابر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top