میانوالی: پاک فضائیہ کا بغیر پائلٹ طیارہ گر کر تباہ ہوگیا، تاہم کوئی جانی نقصان نہیں ہوا۔
پاکستان ایئر فورس ذرائع کے مطابق پی اے ایف بیس ایم ایم عالم سے اڑنے والا پاک فضائیہ کا بغیر پائلٹ طیارہ معمول کی تربیتی پرواز پر تھا کہ اچانک فنی خرابی کے باعث حادثے کا شکار ہوگیا۔
حادثہ میانوالی کے نواحی علاقے ہیڈپکا کے قریب پیش آیا،حادثے کے بعد پاک فضائیہ اور دیگر امدادی ٹیموں نے علاقے کو گھیرے میں لے کر طیارے کا ملبہ قبضے میں لے لیا گیا ہے۔
حادثے کے نتیجے میں کوئی جانی اور مالی نقصان نہیں ہوا جبکہ تحقیقات کے لیے اعلیٰ سطح کا بورڈ تشکیل دے دیا ہے ۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں