The news is by your side.

Advertisement

ویسٹ انڈیزکے سابق فاسٹ باؤلرمائیکل ہولڈنگ کی دعوت حلیم میں شرکت

کراچی: ویسٹ انڈیز کرکٹ ٹیم کے سابق فاسٹ باؤلر اور کرکٹ لیجنڈ مائیکل ہولڈنگ نے دعوت حلیم میں شرکت کی، اس موقع کئی اہم شخصیات بھی موجود تھیں۔

تفصیلات کے مطابق کراچی کے علاقے گلشنِ اقبال میں شوبز کی دنیا سے وابستہ نوید رضا نے اپنے گھر پر نیازِ امام حسین منعقد کی تھی جس میں ویسٹ انڈیز کے سابق کرکٹر سمیت کئی نامور شخصیات شریک ہوئیں۔

سابق بین الاقوامی فاسٹ باؤلر کے ہمراہ ویسٹ انڈیز کے صحافی بیری والکسن بھی اس دعوت میں شریک ہوئے۔ دونوں غیر ملکی شخصیات نے حلیم بہت رغبت سے تناول کیا اور تعریف کی۔

شوبز اسٹار کے گھر پر منعقدہ نیاز حلیم میں عمیر ثنافاؤنڈیشن کے ڈاکٹرثاقب انصاری، ندا یاسر، کامران جیلانی، نیبل ظفر، یاسر نواز، ذوالفقار شیخ، دانش نواز، فیضان شیخ، ایاز سموں اور عمران اسلم نے بھی شرکت کی۔

اس موقع پر فیشن ڈیزائنرعمران راجپوت اور پاکستان کے سابق سفارت کارحسن حبیب نے بھی مائیکل ہولڈننگ کے ساتھ دعوت حلیم میں شرکت کی ۔نارتھ کوریامیں پاکستان کے سابق سفیر حسن حبیب اور فیشن ڈیزانئر عمران راجپوت نے بھی نیاز حلیم میں موجود تھے۔

سید نوید رضا کا اس موقع پر کہنا تھا کہ مائیکل ہولڈنگ کو حلیم بہت پسند آیا ۔انہوں نے بتایا کہ دورہ امریکا کے دوران ان کی اور مائیکل ہولڈنگ کی ملاقات ہوئی تھی جو دوستی میں تبدیل ہوگئی۔

خیال رہے کہ مائیکل ہولڈنگ ان دنوں پاک بمقابلہ سری لنکا کرکٹ میچوں میں کمنٹری کرنے کے لیے کراچی میں موجود ہیں ، سیریز کا پہلا میچ بارش کے باعث منسوخ ہوگیا تھا۔ دوسرا میچ آئندہ روز نیشنل اسٹیڈیم کراچی میں کھیلا جائے گا۔

Comments

comments

یہ بھی پڑھیں