انگلینڈ کے سابق کپتان مائیکل وان نے شارجہ میں پاکستان کی ناکامی پر شکوک وشبہات ظاہر کردیئے کہ کیا میچ مشکوک تھا جبکہ سابق پاکستانی کپتان راشد لطیف نے بھی سوال کردیا ہے.
سابق انگلش کپتان مائیکل وان نے ٹوئٹر پر نئی بحث چھیڑ دی انکا کہنا ہے کہ پاکستانی کھلاڑی جس طرح انگلینڈ کے خلاف تیسرے ون ڈے میں کھیلے بات کچھ ہضم نہیں ہوئی۔
ان کا کہنا تھا کہ تین رن آؤٹ نے ان کا شک اور بھی بڑھا دیا، جس طرح کھلاڑیوں نے شاٹس کھیلے وہ پہلے نہیں دیکھے۔
سابق انگلش کپتان نے کہا کہ کرکٹ میں مشکوک سرگرمیاں بڑھ گئی ہیں جو نہیں ہونی چاہیے، گڑ بڑ کرنے والوں کو لگتا ہے کہ سب احمق ہیں۔
دوسری جانب پاکستان کرکٹ ٹیم کے سابق کپتان راشد لطیف نے بھی سوال اٹھایا کہ شارجہ میں پاکستانی ٹیم صرف دو سو آٹھ رنز پر ڈھیر ہوئی، جس کے بعد فیلڈنگ میں بھی کھلاڑیوں نے کئی یقینی مواقع ضائع کردیئے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں