لندن: ٹی 20 ورلڈ کپ میں اپنی لگاتار تیسری جیت اور شاندار کارکردگی کے باعث پاکستان ورلڈ کپ کے ٹائٹل کے لیے فیورٹ ہوچکی ہے۔
سابق انگلش کپتان مائیکل وان نے بھی پاکستان سے متعلق آسٹریلیا اور انگلینڈ کی ٹیموں کو خبردار کردیا، مائیکل وان نے سماجی رابطے کی ویب سائٹ ٹویٹر پر لکھا کہ اب عالمی کپ میں بڑے مقابلے کا وقت ہے۔
مائیکل وان نے کہا کہ انگلیںڈ اور آسٹریلیا جو میچ جیتے گا وہ سیمی فائنل میں پاکستان کا سامنا کرنے سے بچ جائے گا۔
We had a biggish game last weekend … Now time for the biggest game in World cricket … Can’t wait … #ENG #Aus Whoever wins avoids #Pakistan in the semis … #T20WorldCup
— Michael Vaughan (@MichaelVaughan) October 29, 2021
خیال رہے پاکستان ورلڈ کپ میں بھارت، نیوزی لینڈ اور گزشتہ روز افغانستان کو شکست دے چکی ہے۔ تینوں ٹیموں کو شکست دینے کے بعد پاکستان سیمی فائنل میں اپنی جگہ بنانے میں کامیاب ہو چکی ہے۔
قومی ٹیم میگا ایونٹ میں اپنا چوتھا میچ 2 نومبر کو نمیبیا کے خلاف کھیلے گی۔
گزشتہ روز بین اسٹوکس نے بھی سماجی رابطے کی ویب سائٹ ٹویٹر پرلکھا تھا کہ کیا پاکستان اور انگلینڈ کی ٹیمیں سیمی فائنل میں ٹکرانے جارہی ہیں۔
بین اسٹوکس نے آصف علی کی بھی تعریف کرتے ہوئے لکھا کہ ’ٹیمیں آصف علی کا نام یاد رکھیں۔‘
