واشنگٹن: امریکی خاتونِ اوّل مشعل اوبامہ نے واشنگٹن میں واقع پاکستانی سفارتخانے "پاکستان ہاؤس” کا دورہ کیا اور پاکستان کے سفیر جلیل جیلانی سے ملاقات کی۔
مشعل اوبامہ کی سفارت خانے آمد پرامریکہ میں پاکستان کے سفیر جلیل جیلانی نے اُن کا استقبال کیا،اس موقع پر پاکستانی سفیر کا کہنا تھا کہ امریکہ کی خاتون اوّل کی میزبانی کرنا میرے لیے کسی اعزا زسے کم نہیں‘‘۔’’
It was an absolute delight hosting FLOTUS at Pakistan House today pic.twitter.com/EHpfwRiiZP
— Jalil Abbas Jilani (@JalilJilani) May 28, 2016
امریکی خاتون اوّل کیے دورے کی وجوہات کا علم نہیں تاہم خیال کیا جارہا ہے کہ پچھلے سال امریکی خاتون اول نے پاکستانی خواتین کی تعلیم و تدریس کے لیے 70 ملین ڈالر کی رقم کا اعلان کیا تھا،یہ ملاقات اسی تناظر میں تھی۔
واضع رہے کہ امیرَ طالبان ملامنصور کی ڈرون حملے میں ہلاکت کے بعد سے امریکہ اور پاکستان کے درمیان تعلقات میں تناؤ پیدا ہوگیا ہے،ایسی صورتِ حال میں مشعل اوبامہ کا پاکستان ایمبیسی کا دورہ کرنا تعلقات کی بہتری کے لیے خوش آئند عمل قرار دیا جا سکتا ہے۔
یاد رہے ملا منصور کی پاکستان میں موجودگی اور ہلاکت کے بعد امریکی سینیٹ نے پاکستان کو فراہم کی جانے والی امداد کی شرائط سخت کردی تھیں، جب کہ ایف 16 طیاروں کی فراہمی بھی کھٹائی میں پڑتی نظر آرہی ہے۔
