قومی ٹیم کے بلے باز عمرا کمل کی جانب سے الزام عائد کیے جانے پر سابق کوچ مکی آرتھر نے کرارا جواب دے دیا۔
تفصیلات کے مطابق قومی ٹیم کے مڈل آرڈر بلے باز عمر اکمل ایک انٹرویو کے دوران کہا کہ مکی آرتھر نے میرا کیریئر خراب کردیا۔
ان کا کہنا تھا کہ اس وقت کی سلیکشن کمیٹی اور مقامی کوچز نے میری حمایت نہیں کی۔
نجی ٹی وی کی صحافی عمر اکمل کا الزام ٹویٹر پر شیئر کیا تھا مکی آرتھر بھی جواب دیے بغیر نہ رہ سکے اور لکھا کہ ’عمر اکمل کو آئینے میں دیکھنے کی ضرورت ہے۔
Take a look in the mirror Umar!! https://t.co/VvZKio0WpP
— Mickey Arthur (@Mickeyarthurcr1) June 14, 2022
عمر اکمل نے پاکستان کرکٹ بورڈ (پی سی بی) کی جانب سے جاری کردہ دوسرے شو کاز نوٹس کا جواب جمع کروایا تھا جس میں انہوں نے اپنی غلطی کا اعتراف کیا تھا۔
عمر اکمل نے اپنے جواب میں کہا تھا کہ مکی آرتھر پر الزامات کا معاملہ غیر ارادی طور پر رونما ہوا اور وہ پی سی بی کے ضابطہ اخلاق سے واقف نہیں تھے۔
خیال رہے کہ 17 اگست 2017 کو عمر اکمل نے ایک پریس کانفرنس کے دوران پاکستان کی کرکٹ ٹیم کے ہیڈ کوچ مکی آرتھر پر الزامات لگائے تھے کہ مکی آرتھر نے ان کے خلاف نازیبا زبان استعمال کی اور گالیاں دیں۔عمر اکمل کا کہنا تھا کہ ‘مکی آرتھر نے کہا کہ آپ کو نیشنل کرکٹ اکیڈمی (این سی اے) میں داخل ہونے کی اجازت کس نے دی، ساتھ ہی انہوں نے کہا کہ آپ جاکر کلب کرکٹ کھیلیں’۔
