تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

امیر ترین کی دوڑ میں جیف بیزوز کو کس نے پیچھے چھوڑا؟

دنیا بھر میں مشہور شخصیات کی دولت اور اثاثوں پر نظر رکھنے والے امریکی اقتصادی جریدے فوربز کی جانب سے امیر ترین شخصیات کی نئی فہرست جاری کی گئی۔

فہرست کے مطابق مجموعی طور پر ایما زون کے مالک کے اثاثے کم ہوئے جس کے باعث اب وہ دنیا کے امیر ترین شخص ہونے کا اعزاز کھوچکے ہیں جس کے بعد مائیکرو سافٹ کے بانی بل گیٹس ایک مرتبہ پھر دنیا کے امیر ترین شخص بن گئے ہیں جن کی دولت میں چند ہفتوں کے دوران 6 ارب ڈالر کا اضافہ ہوا ہے۔

اقتصادی جریدے کی رپورٹ میں بتایا گیا ہے کہ جیف بیزوز کی دولت چند ہفتوں کے دوران 114 ارب ڈالر سے کم ہوکر 109 ارب رہ گئی ہے جس نے انہیں امیر ترین افراد کی فہرست میں دوسری پوزیشن پر پہنچا دیا ہے۔

دوسری جانب بل گیٹس کی دولت 6 ارب ڈالر اضافے کے بعد 110 ارب ڈالر تک پہنچ گئی جس نے انہیں ایک بار پھر دنیا کے امیر ترین شخص ہونے کا اعزاز دلایا ہے۔

یاد رہے کہ ایمازون کمپنی کے مالک کو رواں برس اہلیہ سے علیحدگی کے بعد انہیں  35ارب ڈالر کی خطیر رقم بشمول کمپنی حصص وغیرہ دینا پڑے تھے۔ برطانوی میڈیا رپورٹ میں بتایا گیا تھا کہ جیف بیزوس کی اہلیہ طلاق کے بعد ایمازون میں 4 فیصد حصحص (شیئرز) کی مالک بن گئیں جبکہ انہیں واشنگٹن پوسٹ اور جیف کی خلائی فرم بلیو اوریجن میں کوئی حصہ نہیں دیا گیا۔

واضح رہے کہ 2016 تک دنیا کے امیر ترین افراد کی رینکنگ میں بل گیٹس کا نام سرفہرست ہوتا تھا البتہ 2017 سے اُن کی جگہ جیف نے سنبھالی اور نقصان کے باوجود بھی اُن کے اثاثے اب تک سب سے زیادہ ہیں۔

اس فہرست سے قبل اقتصادی جریدے فوربز کی ستمبر 2019 میں جاری ہونے والی رپورٹ میں ایمازون کے بانی جیف بزور کو دنیا کا امیر ترین شخص قرار دیا گیا تھا۔

فوربز کی رپورٹ میں امریکا کے امیر ترین افراد کی فہرست جاری کی گئی تھی اور اسی ملک کے امیر ترین افراد ہی دنیا کے امیر ترین لوگ بھی ہیں۔

تیسرے نمبر پر فرانسیسی شخص برنارڈ ارنالٹ کو رکھا گیا ہے جن کی دولت 103 ارب ڈالر بتائی گئی ہے، گوگل کے شریک بانی لیری پیج اس فہرست میں ساتویں اور ان کے پارٹنر سرگی برن 8 ویں نمبر پر ہیں۔

دنیا کے 10 امیر ترین افراد میں 8 امریکی اور 2 یورپی شخص ہیں، دنیا کا تیسرا امیر ترین شخص فرانسیسی جب کہ چھٹا امیر ترین شخص ہسپانوی ہے۔

دنیا کے دس امیر ترین افراد کی فہرست میں ایک خاتون بھی شامل ہیں، 56 سالہ امریکی خاتون جولیا مارگریٹ فلیشر دنیا کی 10 ویں امیر ترین شخصیت اور دنیا کی سب سے امیر ترین خاتون قرار پائی ہیں۔

Comments

- Advertisement -