The news is by your side.

Advertisement

ایران کو کسی صورت میں جوہری ہتھیار حاصل نہیں کرنے دیں گے: مائیک پومپیو

واشنگٹن: امریکی وزیرِ خارجہ مائیک پومپیو نے ایک بار پھر امریکی مؤقف دہراتے ہوئے کہا ہے کہ وہ ایران کو کسی صورت میں جوہری ہتھیار حاصل نہیں کرنے دیں گے۔

تفصیلات کے مطابق امریکی وزیرِ خارجہ گزشتہ روز کانگریس کے اجلاس سے خطاب کر رہے تھے، انھوں نے کانگریس کو خبر دار کیا کہ ایران یورینیم افزودگی کی مقدار بڑھائے جا رہا ہے۔

ان کا کہنا تھا کہ امریکا ایران کو من مانی نہیں کرنے دے گا، تہران اس امریکی عزم سے اچھی طرح با خبر ہے، امریکا یورینیم افزودگی کی ایرانی رپورٹس کا جائزہ لے رہا ہے۔

مائیک پومپیو نے کانگریس کے اراکین سے کہا کہ امریکی صدارتی انتخابات میں روسی مداخلت پر روس سے کہہ دیا تھا کہ امریکی جمہوری عمل میں مداخلت اس کے حق میں خطرناک ثابت ہوسکتی ہے۔

امریکا دھمکیوں کے ذریعے ایران کو مذاکرات پر مجبور نہیں کرسکتا: ایرانی وزارت خارجہ

امریکی وزیرِ خارجہ کا کہنا تھا کہ صدر ڈونلڈ ٹرمپ ملک کو درپیش چیلنجز سے نمٹنا جانتے ہیں، روس کے سلسلے میں امریکا اپنی ذمہ داری نبھا چکا ہے اب جو کچھ کرنا ہے روس نے کرنا ہے۔

مائیک پومپیو نے شمالی کوریا کے ساتھ جوہری ہتھیاروں کے معاملے پر بھی امریکی مؤقف دہراتے ہوئے کہا کہ ہم بے مقصد مذاکرات کے حامی نہیں، بات چیت ضرور کسی نتیجے پر پہنچنی چاہیے، شمالی کوریا کو ایٹمی ہتھیار تلف کرنے پڑیں گے۔

واضح رہے کہ ایرانی وزیرِ خارجہ بہرام قاسمی نے گزشتہ روز بیان جاری کیا تھا کہ امریکا ایران کو دھمکیوں کے ذریعے مذاکرات کے لیے مجبور نہیں کرسکتا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں