The news is by your side.

Advertisement

دشمن کی آب دوز کا سراغ لگانے والے نیوی افسران کے لیے ملٹری اعزازات

اسلام آباد: صدرِ مملکت پاکستان ڈاکٹر عارف علوی کی جانب سے دشمن کی آب دوز کا سراغ لگانے والے نیوی افسران کے لیے ملٹری اعزازات کی منظوری دی گئی ہے۔

تفصیلات کے مطابق پاک بحریہ کے ترجمان نے کہا ہے کہ پاکستان نیوی کے آفیسرز اور سیلرز کے لیے ملٹری اعزازات کی منظوری کا اعلان کیا گیا ہے۔

صدرِ پاکستان نے دشمن کی آب دوز کا سراغ لگانے والے آفیسرز لیفٹیننٹ کمانڈر حمیر افتخار کو ستارۂ بسالت اور لیفٹیننٹ کمانڈر خرم داؤد کو تمغۂ بسالت تفویض کرنے کی منظوری دی۔

ترجمان پاک بحریہ نے کہا ہے کہ پاک بھارت کشیدگی کے دوران دھرتی کے ان بیٹوں نے پیشہ ورانہ مہارت سے دشمن کی جدید آب دوز کا سراغ لگایا تھا-

یہ بھی پڑھیں:  یوم پاکستان پر نیوی کے آفیسرز اور سیلرز کے لیے ملٹری اعزازات کی منظوری

پاک بھارت کشیدگی کے دوران اپنی آب دوزوں کی دشمن کے پانیوں میں کام یابی سے طویل مدتی آپریشنل ڈپلائمنٹ پر کیپٹن ایلیا حسن کو ستارۂ بسالت تفویض کرنے کی بھی منظوری دی گئی۔

ترجمان پاک بحریہ کے مطابق یہ کارنامے پاکستان نیوی کی اعلیٰ صلاحیتوں کا منہ بولتا ثبوت ہیں۔

ترجمان نے کہا کہ پاک بحریہ کے تین رئیر ایڈمرل کو ہلالِ امتیاز (ملٹری)، 14 آفیسرز کو ستارۂ امتیاز (ملٹری) اور 13 آفیسرز کو تمغۂ امتیاز (ملٹری) تفویض کرنے کی منظوری دی گئی ہے۔

پاکستان نیوی کے 2 آفیسرز کو ستارۂ بسالت، 2 آفیسرز اور 6 جوانوں کو تمغۂ بسالت تفویض کرنے کی بھی منظوری دی گئی ہے۔

Comments

comments

یہ بھی پڑھیں