The news is by your side.

Advertisement

یوکرین میں فوجی طیارے کو حادثہ، 22افراد جل کر ہلاک

چوگویف : یوکرین میں فوجی طیارہ گر کر تباہ ہو گیا جس کے نتیجے میں 22 افراد ہلاک ہوگئے ہیں، حکام کا کہنا ہے کہ فوری طور پر وجوہات سامنے نہیں آئیں، تحقیقات جاری ہیں۔

غیرملکی خبر رساں ایجنسی کی رپورٹ کے مطابق یوکرین کے شہر چوگویف کے علاقے خارکیف میں فوجی طیارہ گر کر تباہ ہو گیا جس کے نتیجے میں 22 افراد ہلاک ہوگئے جبکہ 2 زخمیوں کی حالت تشویش ناک ہے۔


حادثے کے فوری بعد طیارے میں آگ لگ گئی تھی جسے ریسکیو آپریشن کے دوران بجھا دیا گیا

یوکرین حکام کے مطابق طیارے میں ائیر فورس کیڈٹس سوار تھے، ہلاک ہونے والوں میں کیڈٹس بھی شامل ہیں جب کہ کئی کیڈٹس حادثے میں معجزاتی طور پر محفوظ بھی رہے۔

طیارہ لینڈنگ کے دوران تباہ ہوا جس میں ایئر فورس یونیورسٹی کے کیڈٹس سمیت 28 افراد سوار تھے۔ حادثے کے فوری بعد طیارے میں آگ لگ گئی تھی جسے ریسکیو آپریشن کے دوران بجھا دیا گیا تاہم کئ یافراد کی نعشیں جلنے کی وجہ سے ناقابل شناخت ہوگئی تھیں۔

میڈیا رپورٹس کے مطابق طیارہ تربیتی پرواز پر تھا کہ شمال مشرقی یوکرین میں حادثے کا شکار ہو گیا، جلتے ہوئے طیارے اور لوگوں کے نکلنے کی ویڈیو بھی منظر عام پر آگئی ہے، واقعے کی تحقیقات جاری ہیں تاہم فوری طور پر طیارے کے تباہ ہونے کی وجوہات سامنے نہیں آسکیں۔

Comments

یہ بھی پڑھیں