The news is by your side.

Advertisement

کراچی: دودھ کی قیمت میں 5 روپے کا اضافہ

کراچی :  دودھ کی فی لیٹر قیمت میں پانچ روپے کا اضافہ کردیا گیا، دودھ اب 85 روپے فی لیٹر فروخت ہوگا۔

تفصیلات کے مطابق کمشنر کراچی کی زیر صدارت اجلاس میں ہوا، جس میں دودھ کی قیمت کا جائزہ لینے کے لیے قائم کی جانے والی کمیٹی نے کمشنر اپنی رپورٹ پیش کی ،جس کے بعد دودھ کی نئی قیمت 85روپے فی کلو مقرر کرنے کا فیصلہ کیا گیا۔

اجلاس میں فیصلہ کیا گیا کہ دودھ میں ملاوٹ کرنے والوں اور زائد قیمت پر دودھ فروخت کرنے والوں کے خلاف سخت کارروائی کی جائے گی۔

کمشنر کراچی نے دودھ کی قیمتوں میں اضافے کا نوٹیفیکشن جاری کردیا، جس کے مطابق دودھ کی نئی قیمت میں 5 روپے اضافے کے بعد 85روپے فی لیٹر ہوگی، دودھ کی نئی قیمت پر عملدرآمد یکم اپریل سے ہوگا۔

ڈیری فارمر اور ریٹیلرز کے نمائندوں نے کمشنر کراچی کو یقین دلایا کہ وہ دودھ انتظامیہ کی مقرر کردہ قیمت پر فروخت کریں گے اور دودھ میں ملاوٹ کی شکایات کو دور کریںگے۔

دوسری جانب عوام کا کہنا ہے کہ پیٹرول کی قیمت بڑھنے سے ہر چیز مہنگی ہو جاتی ہے، ساتھ ساتھ کراچی میں ڈیری بم بھی گرا دیا گیا ہے، عوام نے دودھ کی قیمت میں اضافے کو عوام کیساتھ ظلم قرار دیتے ہوئے کہا کہ مہنگائی چاروں طرف سے عوام پر وار کررہی ہے۔


مزید پڑھیں : پیٹرول اور ڈیزل کی قیمت میں اضافے کا اعلان


خیال رہے کہ عالمی منڈی میں خام تیل کی قیمتوں میں کمی کے باوجودحکومت نے پیٹرول کی قیمت ایک روپے بڑھا دی گئی تھی، اضافے کے بعد پیٹرول کی قیمت 74 روپے جبکہ ڈیزل کی قیمت 83 روپے فی لیٹر ہو گئی ہے ، عالمی قیمتوں کو مکمل طور پر منتقل نہ کرنے کے باعث اب تک حکومت کو 100 ارب روپے کا نقصان ہوچکا ہے۔

Print Friendly, PDF & Email

Comments

comments

یہ بھی پڑھیں