بھارتی آسٹرازینیکا ویکسین لگوانے والے لاکھوں افراد رلُ گئے، بغیر منظوری ویکسین لگوانا سفری اجازت کے لیے بے سود ثابت ہوا۔
برطانوی اخبار کے مطابق بھارتی آسٹرازینیکا ویکسین لگوانے والوں کو ای یو کووڈ پاسپورٹ نہیں ملے گا۔
یورپ کی نئی ویکسین پاسپورٹ اسکیم نے انڈیا میں تیار آسٹرا زینیکا کی منظوری نہیں دی، ویکسین انڈیا میں تیار ہوئی اور یورپین میڈیسن اتھارٹی نے ابھی تک منظوری نہیں دی جس کی وجہ سے اس ویکسین کو لگوانے والے ای یو کووڈ پاسپورٹ اسکیم کے لیے اہل قرار نہیں دیے گئے۔
برطانیہ میں 50لاکھ افراد کو انڈیا میں تیار کردہ آسٹرازینیکا ویکسین لگائی گئی ہے اور منظوری نہ ہونے کے سبب آسٹرازینیکا والے چھٹیاں منانے یورپ نہیں جاپائیں گے۔
یورپ نےجمعرات کےروزسےڈیجیٹل کووڈپاسپورٹ اسکیم شروع کی ہے جس میں ڈیجیٹل سرٹیفکیٹ کے حامل افراد یورپ کا سفر کر سکیں گے۔
آسٹرازینیکا سیرم انسٹیٹیوٹ آف انڈیامیں تیار ہوئی اور ویکسینیشن کے ابتدائی دنوں کے دوران اسے برطانیہ میں استعمال کی اجازت ملی اور اب تک 50 لاکھ افراد یہ ویکسین لگوا چکے ہیں۔