The news is by your side.

‘کراچی میں لاکھوں لوگوں نے پی ٹی آئی کے ممبر شپ کارڈ بنوالئے’

کراچی : تحریک انصاف کی ممبر شپ مہم میں لاکھوں لوگوں نے پی ٹی آئی کے ممبر شپ کارڈ بنوالئے ، پی ٹی آئی رہنما علی زیدی نے کہا کہ لاکھوں لوگوں کا ممبر بننا ثابت کرتا ہے کراچی عمران خان کےساتھ ہے۔

تفصیلات کے مطابق پی ٹی آئی کراچی کی 3 روزہ ممبر شپ مہم کا اختتام ہوگیا، مہم میں لاکھوں لوگوں نے پی ٹی آئی کے ممبر شپ کارڈ بنوائے۔

پی ٹی آئی رہنما علی زیدی جناح ٹاؤن کے ممبر شپ کیمپ گرومندر پہنچے ، اس موقع پر ایم این اےمحمودمولوی اور ایم پی اے جمال صدیقی بھی موجود تھے۔

پی ٹی آئی رہنما علی زیدی نے کہا کہ لاکھوں لوگوں کا ممبر بننا ثابت کرتا ہے کراچی عمران خان کےساتھ ہے، قومی موومنٹ اور پیپلزپارٹی کو کراچی مسترد کر چکا ہے، ساری جماعتیں بھی زورلگا لیں ان کوکراچی سےکچھ نہیں ملے گا۔

علی زیدی کا کہنا تھا کہ عوام بلدیاتی الیکشن کی تیاری کریں کراچی بدلنےوالاہے، مئیرکراچی،سندھ حکومت اوروفاق عمران خان کاہوگا، کراچی کےعوام عمران خان کے خلاف ہر سازش کو مسترد کرتے ہیں۔

دوسری جانب تحریک انصاف کے رہنما اسد عمر نے بھی شہر کے مختلف علاقوں میں لگائے گئے ممبر سازی کیمپس کا دورہ کیا، اورنگی ٹاون میں میڈیا سے بات چیت کرتے ہوئے اسد عمرنے کہا جو لوگ کراچی کے لیے کچھ کرنا چاہتے ہیں وہ بلا خوف ہمارے ساتھ آئیں۔

ان کا کہنا تھا کہ اس وقت ملک کو جعلی جمہوریت کے ذریعے چلایا جا رہا ہے۔

Comments

یہ بھی پڑھیں