The news is by your side.

Advertisement

سانحہ منی، 99 پاکستانی حجاج کرام شہید ہوئے، حکومت کی تصدیق

اسلام آباد: حکومت نے سانحہ منی میں ننانوے پاکستانی حجاج کرام کی شہادت کی تصدیق کر دی ہے۔

سینیٹ میں سانحہ منی سے متعلق پالیس بیان دیتے ہوئے وفاقی وزیر مذہبی امور سردار محمد یوسف نے بتایا کہ ستر حاجیوں کی شہادت کی تصدیق کے بعد سعودی عرب میں انکی تدفین ہوچکی ہے، انتیس حجاج کے بارے میں انکے لواحقین نے تصدیق کی ہے کہ وہ شہید ہوگئے ہیں۔

انہوں نے بتایا کہ حادثے میں سینتالیس پاکستانی حجاج زخمی ہوئے، پینتالیس زخمی حجاج کو علاج کے بعد اسپتال سے فارغ کردیا گیا ہے۔ دو پاکستانی زخمی حاجی اب تک زیرعلاج ہیں۔

وفاقی وزیر نے بتایا کہ سانحہ منیٰ کےاٹھارہ پاکستانی تاحال گمشدہ ہیں جنکی تلاش کےلیے پاکستانی حکام سعودی حکام سے مسلسل رابطے میں ہیں، اس پر اپوزیشن کے ارکان نے احتجاج کرتے ہوئے کہا کہ اٹھارہ پاکستانی حجاج کے بارے میں کوئی اطلاع نہیں اور پاکستانی حکومت سعودی حکام کے آگے بے بس ہے۔

چیئرمین سینیٹ نے کہا کہ بھارت اور ایران کو ان کے حجا ج کے بارے میں مکمل اطلاع دی گئی لیکن پاکستان کو مکمل معلومات فراہم نہیں کی گئیں، چیئرمین نے معاملہ سینٹ کی قائمہ کمیٹی برائے مذہبی امور کے سپرد کردیا ہے.

یاد رہے کہ منیٰ میں حادثہ 24 ستمبر کو رمی کے دوران بھگدڑ مچنے سے پیش آیا تھا، جس کے بعد حادثے میں جاں بحق ہونے والوں کی تصدیق کا عمل تاحال جاری ہے جبکہ سعودی عرب کی جانب سے 769 حاجیوں کے جاں بحق ہونے کی تصدیق کی گئی.

حکومت نے 1200 سے زائد افراد کے جاں بحق ہونے کی تصدیق کی.

Print Friendly, PDF & Email

Comments

comments

یہ بھی پڑھیں