سانحہ منٰی میں پاکستانی شہداء کی تعداد 60 ہوگئی -
The news is by your side.

Advertisement

سانحہ منٰی میں پاکستانی شہداء کی تعداد 60 ہوگئی

اسلام آباد: سانحہ منٰی میں ساٹھ پاکستانیوں کے شہید ہونے کی تصدیق ہوگئی، سعودی عرب میں پاکستانی سفیر کے مطابق نوے تاحال لاپتہ ہیں۔

سعودی عرب میں پاکستانی سفیرمنظورالحق کے مطابق سانحہ منٰی میں شہید ہونے والے پاکستانیوں کی تعداد ساٹھ ہوگئی جن میں سے چھبیس شہداء کی تدفین کردی گئی ہے جبکہ چونتیس شہیدوں کی معلومات اکھٹی کی جارہی ہیں۔

پاکستانی سفیر کا کہنا ہے کہ واقعے میں انچاس پاکستانی زخمی ہوئے جن میں سے چالیس کو طبی امداد کے بعد فارغ کردیا گیا جبکہ نو تاحال زیر علاج ہیں۔

چوبیس ستمبرکو مناسک حج کے دوران منٰی میں بھگدڑ سے اب تک شہید ہونے والےحجاج کی تعداد بارہ سو سے تجاوز کرگئی ہے، حادثے میں سینکڑوں حاجی زخمی ہوئے جبکہ درجنوں لاپتا حجاج سے متعلق معلومات اکٹھی کرنے کا سلسلہ جاری ہے۔

Comments

comments

یہ بھی پڑھیں