The news is by your side.

Advertisement

منٰی میں پاکستانی شہیدوں کی تعداد 36 ہو گئی

مکہ :منٰی میں پاکستانی شہیدوں کی تعداد چھتیس ہو گئی، زخمیوں کی تعداد سینتیس ہے، سعودی عرب میں پاکستان کے سفیر نے تصدیق کر دی۔

سانحہ منٰی کے پانچویں روز حکومت نے شہید پاکستانیوں کی تعداد دگنی کر دی، پاکستانی سفیر منظور الحق کا کہنا ہے کہ شہید حاجیوں کی تعداد بڑھکر چھتیس ہو چکی ہے، اس سے پہلے وزارت مذہبی امور، دفترخارجہ اور سعودی عرب میں پاکستانی سفارت خانے نے اٹھارہ شہیدوں کی تصدیق کی تھی۔ جبکہ خاندانی زرائع کے مطابق یہ تعداد چوبیس بنتی تھی۔

ملتان کی سبزہ زار کالونی کی رہائشی شاہین بی بی اور صوابی کے حسن امین شہید ہو گئے، دونوں کے اہلخانہ نے شہادت کی تصدیق کر دی۔ کراچی کی حفصہ شعیب اورزرین نسیم کی شہادت کی تصدیق کردی گئی۔ میرپورآزاد کشمیرکی سیدہ نرجس شہناز اوردالبندین بلوچستان کی بی بی زینب کا نام بھی شہیدوں کی فہرست میں شامل ہے.

ایبٹ آباد کے زاہد گل اورلاڑکانہ کے ڈاکٹرامیرعلی لاشاری بھی سانحہ منٰی میں شہید ہوئے، سابق وزیراعظم یوسف رضا گیلانی کے بھانجےمخدوم سید اسد مرتضٰی گیلانی بھی حادثےمیں شہید ہوگئے۔ کوٹ ادو کے عبدالرحمان اوران کی اہلیہ نے بھی شہادت پائی۔

سرکاری فہرست میں اسلام احمد،بشرٰی بی بی،محمدحسرت،عظیم خان،محمد ادریس،امیرمحمود اور گل شہناز کےنام بھی شامل ہیں، شہید ہونے والوں میں سے چار پاکستانیوں شہنازقمر،خلیل احمد، محمدرحمان اور افتخار احمد کی مکہ کے الشرح قبرستان میں تدفین کردی گئی۔

Print Friendly, PDF & Email

Comments

comments

یہ بھی پڑھیں