پاکستانی اداکارہ منال خان نے اپنی منگنی پر والد کی کمی شدت سے محسوس کی، اس حوالے سے انہوں نے والد کی عدم موجودگی کے حوالے سے جذباتی پیغام بھی شیئر کیا ہے۔
اداکارہ نے سماجی رابطے کی ویب سائٹ اور فوٹو ویڈیو شیئرنگ ایپلیکیشن انسٹاگرام پر اپنی ’بات پکی‘ (منگنی) کی تصاویر شیئر کیں، جس میں وہ اپنے جیون ساتھی محسن اکرام کے ساتھ موجود تھیں۔
اداکارہ نے منگنی کی تقریب میں والد کی کمی کو شدت سے محسوس کیا، جس کا اظہار انہوں نے انسٹاگرام پر شیئر کی جانے والی تصاویر کے کیپشن میں کیا۔
View this post on Instagram
منال خان نے تصاویر شیئر کرتے ہوئے لکھا کہ ’بابا تصاویر میں تو نہیں ہیں لیکن ہمارے ارد گرد موجود ہیں، وہ ہمیشہ ہمیں دیکھتے ہیں اور ہماری حفاظت بھی کرتے ہیں‘۔ منال خان نے لکھا کہ مجھے یقین ہے والد تقریب میں موجود تھے اور انہوں نے اس خوشی کے موقع پر جشن بھی منایا۔
مزید پڑھیں: منال خان کی بات پکی ہوگئی، تصاویر وائرل
منال نے لکھا کہ ’میری خواہش ہے کہ وہ ہوتے اور احسن سے ملتے‘۔
اداکارہ نے لکھا کہ ’یہ میری بات پکی تقریب کی تصاویر ہیں، جس میں پوری فیملی موجود ہے‘۔
View this post on Instagram
یاد رہے کہ اداکارہ کے والد مبین خان گزشتہ برس اکتیس دسمبر کو طبیعت ناسازی کے باعث انتقال کرگئے تھے۔