تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

مینار پاکستان جلسہ: "ان کا ون پوائنٹ ایجنڈا ہے کہ عمران خان کو روکا جائے”

لاہور: پاکستان تحریک انصاف کے چیئرمین عمران خان نے حکمران اتحاد پر تنقید کرتے ہوئے کہا ہے کہ ان کا ون پوائنٹ ایجنڈا ہے کہ عمران خان کو اقتدار میں آنے سے روکا جائے اور اس لیے یہ الیکشن سے بھاگ رہے ہیں۔

 

لاہور میں پی ٹی آئی کے "حقیقی آزادی” جلسے سے خطاب میں عمران خان کا کہنا تھا کہ جب تک پاکستان میں قانون کی حکمرانی نہیں ہوگی ہماری زندگی میں ذلت ہی رہے گی۔

عمران خان کا کہنا تھا کہ الیکشن کمیشن کہہ رہا ہے کہ ابھی ہمارے پاس پیسے نہیں ہیں تو پھر اکتوبر میں کہاں سے پیسے آئیں گے؟

انہوں نے کہا کہ ان کی کوشش ہے کہ الیکشن سے بھاگیں۔ اگر آئین توڑنا پڑتا ہے تو آئین توڑو لیکن کسی طرح عمران خان الیکشن میں جیت کر اقتدار میں نہ آ جائے۔ یہ ان کا ون پوائنٹ ایجنڈا ہے۔

ان کے بقول ہم نے الیکشن کے معاملے پر سپریم کورٹ سے رجوع کرلیا ہے۔ پاکستانی عوام نے اب سپریم کورٹ کے ساتھ کھڑا ہونا ہے۔

اپنے خطاب میں سابق وزیرِاعظم عمران خان نے کہا کہ جو ہمارے لوگوں کو پکڑ کر برہنہ کر رہے ہیں انہیں ماہر نفسیات کو دکھانا چاہیے۔

انہوں نے دعویٰ کیا کہ پاکستان میں آج جو ہورہا ہے وہ پہلے کبھی نہیں ہوا۔ ہمارے دو ہزار لوگوں کو اٹھا لیا گیا ہے۔

https://www.youtube.com/watch?v=j5RpgGjFzbI

اس جلسے کا انعقاد مینار پاکستان پر کیا گیا جہاں پی ٹی آئی کے ہزاروں ورکرز اور حامیوں نے شرکت کی۔ خواتین اور بچوں کی بڑی تعداد بھی جلسہ گاہ میں موجود تھی۔۔

عمران خان کے خطاب سے قبل مینار پاکستان کے اطراف موبائل فون سروس بند کردی گئی ہے جبکہ متعدد علاقوں میں غیر اعلانیہ لوڈشیڈنگ کی جارہی ہے۔

 چیئرمین پی ٹی آئی عمران خان زمان پارک سے مینارپاکستان کیلئے روانہ تو سیکیورٹی اقدامات کے تحت عمران خان کی گاڑی پرلوہے کی گرل لگائی گئی ،کارکنان کی بڑی تعداد عمران خان کی گاڑی کےساتھ موجود رہی، چیئرمین پی ٹی آئی عمران خان بذریعہ رنگ روڈ مینارپاکستان پہنچے۔

اس سے قبل پی ٹی ۤآئی رہنما سینیٹر ولید اقبال نے جلسہ گاہ سے اے آر وائی نیوز کی خصوصی ٹرانسمیشن میں حصہ لیا،انہوں نے اپنی گفتگو میں کہا کہ آج صبح سے ہی مینار پاکستان کے راستوں کو کنٹینرز لگاکر بند کردیا گیا تھا،مینارپاکستان جلسےمیں فیملیاں بھی آرہی ہیں،بزرگ بچے بھی شامل ہیں۔

انہوں نے نون لیگ کو چیلنج دیتے ہوئے کہا کہ ن لیگ کہتی ہےکہ دو ہزارلوگ آئے ہیں توالیکشن کرالیں آزماکردیکھ لیں، دو ہزار لوگ تو میرے اردگرد موجود ہیں۔

اسپیکرپنجاب اسمبلی سبطین خان اور چوہدری پرویزالٰہی مینارپاکستان جلسہ گاہ پہنچ گئے

Comments

- Advertisement -