The news is by your side.

Advertisement

مینارِ پاکستان واقعہ، ٹک ٹاکر عائشہ اکرم اور اس کے ساتھی کیخلاف مقدمے کی درخواست مسترد

لاہور : سیشن کورٹ نے مینار پاکستان واقعے میں ٹک ٹاکرخاتون اوراسکےساتھی کیخلاف اندارج مقدمہ کی درخواست عدم پیروی پر خارج کردی۔

تفصیلات کے مطابق لاہور کی سیشن کورٹ میں ٹک ٹاکرخاتون اور اس کے ساتھی کیخلاف اندارج مقدمہ کی درخواست پر سماعت ہوئی، عدالت نے اندراج مقدمہ کی درخواست خارج کردی، درخواست عدم پیروی پر خارج کی گئی۔

یاد رہے ٹک ٹاکرخاتون کیخلاف اندراج مقدمہ کی درخواست میاں توصیف احمد کی جانب سے دی گئی تھی ، جس میں کہا گیا تھا کہ ٹک ٹاکر خاتون اوراسکاساتھی پلان کےساتھ مینار پاکستان گئے ۔

یاد رہے کہ 14 اگست کے روز مینار پاکستان پر موجود خاتون عائشہ اکرم کو وہاں موجود 400 افراد کی جانب سے تشدد، جنسی حملے اور لوٹ مار کا نشانہ بنایا گیا تھا۔ واقعے کی ویڈیوز سوشل میڈیا پر آنے پر پولیس نے 3 روز بعد مقدمہ درج کیا تھا۔

واقعے کا مقدمہ متاثرہ خاتون کی مدعیت میں 400 نامعلوم افراد کیخلاف مقدمہ درج کیا گیا ہے، جس میں کہا گیا کہ ان پر تشدد کیا گیا، موبائل فون اور نقدی بھی چھین لی گئی۔

بعد ازاں لاہور مینار پاکستان میں 400 ملزموں کے ہاتھوں دست دراز ی اور تشدد کا نشانہ بننے والی لڑکی عائشہ کا میڈیکل کروا لیا گیا تھا ، میڈیکل رپورٹ میں انکشاف کیا گیا تھا کہ لاہور عائشہ کے پورے جسم پر درجنوں اسکریچز اور نیلگوں کے واضع نشانات موجود ہیں۔

Comments

یہ بھی پڑھیں