The news is by your side.

Advertisement

مینار پاکستان واقعہ: سیاستدانوں کا ملزمان کو نشان عبرت بنانے کا مطالبہ

اسلام آباد: یوم آزادی کے روز گریٹر اقبال پارک میں خاتون ٹک ٹاکر کے ساتھ پیش آنے افسوسناک واقعے نے ہر صاحب دل افراد کو رلادیا ہے، دلخراش واقعے پر سیاستدانوں نے بھی سخت ردعمل کا اظہار کیا ہے۔

وفاقی وزیر اور سربراہ این سی او سی اسد عمر نے سماجی رابطے کی ویب سائٹ ٹوئٹر پر جاری بیان میں کہا کہ مینار پاکستان کےواقعے نے بے چین کردیا ہے،معاشرےکےگندےچہرےکی وجوہات کاسنجیدہ تعین ضروری ہے۔

اپنے ٹوئٹ میں اسد عمر نے کہا کہ ہم اپنےگھروں اور اسکولوں میں کیا پڑھا رہےہیں؟، ہمارےقوانین کس طرح لاگوہوتےہیں؟، ہمیں خواتین کو اس احساس کیساتھ نہیں چھوڑنا کہ وہ غیرمحفوظ ہیں۔

وزیر اطلاعات پنجاب فیاض الحسن چوہان نے اے آر وائی نیوز سے خصوصی گفتگو میں کہا کہ وزیراعظم اور وزیراعلیٰ پنجاب نےواقعےکانوٹس لیاہے، آئی جی پنجاب سےواقعےسےمتعلق تفصیلات لی ہیں،ملزمان کو قانون کےکٹہرے میں لایاجائےگا۔

فیاض الحسن چوہان نے کہا کہ واقعےکی سائنسی طریقےسےتحقیقات کررہےہیں، ملزمان کی شناخت کرکےجلدقانون کی گرفت میں لائیں گے، متاثرہ خاتون کوبھی یقین دلایاہےکہ انصاف فراہم کیاجائیگا۔

خصوصی گفتگو میں فیاض الحسن چوہان نے کہا کہ وزیراعلیٰ کی ہدایت پرمقدمے میں سزائےموت کی دفعات شامل کی، کسی کونہیں چھوڑاجائےگا،تمام ملزمان کوگرفتارکیاجائیگا، واقعہ پوری سوسائٹی کیلئےناکامی ہے،خودشرمندگی کاشکارہوں،پانچ بیٹیوں کاباپ ہوں،دل چاہتا ہےان کی چمڑی ادھیڑدوں۔

https://twitter.com/KhurumSherZaman/status/1427970644759793670?s=20

رکن سندھ اسمبلی خرم شیر زمان نے گریٹراقبال پارک میں خاتون سے دست درازی کے واقعے کو شرمناک قرار دیتے ہوئے کہا کہ قوم کی ماؤں، بہنوں، بیٹیوں کو بےعزت کرنیوالےمعافی کے محتاج نہیں،پنجاب حکومت واقعےمیں ملوث ملزمان کوجلدکیفرکردارتک پہنچائے، عورت معاشرےکوتشکیل ومضبوط کرنےمیں اہم کردارثابت ہوتی ہے

نائب صدر مسلم لیگ (ن) مریم نواز کا کہنا تھا کہ گریٹراقبال پارک سےدل دہلادینےوالےمنظرسامنےآئے، بحیثیت والدین، استاد اورلیڈر نوجوانوں کی تربیت کا سوچنا ہوگا، معاملےمیں ملوث افراد کو انصاف کےکٹہرےمیں لایاجائے اور مستقبل میں ایسےواقعات کی روک تھام کرنی چاہیے۔

Comments

یہ بھی پڑھیں