زمین میں دھنسی لڑکی کی یہ تصویر محض نظر کا دھوکا ہے یا اس میں کوئی حقیقت بھی ہے؟
یہ دماغ کو حیران کرنے والا ایک آپٹیکل الیوژن ہے، جس میں دکھائی دیتا ہے کہ کنکریٹ میں لڑکی کمر تک دھنس گئی ہے، جب یہ تصویر انٹرنیٹ پر آئی تھی تو لوگ اسے دیکھ کر حیران رہ گئے تھے۔
بصری واہموں سے متعلق یقیناً آپ بھی جانتے ہیں، اس تصویر کا تعلق بھی انھی بصری واہموں سے ہے، یعنی تصویر ہوتی کچھ ہے لیکن اس طرح سے کھینچی گئی ہوتی ہے کہ اس میں کچھ اور ہی نظر آتا ہے۔
ہم آپ کو بتاتے چلیں کہ اس تصویر میں جو لڑکی نظر آ رہی ہے، اس کی ماں نے یہ کلک کیا ہے، جب انھوں نے اسے ریڈٹ پر پوسٹ کیا تو لوگ دنگ رہ گئے تھے۔
تصویر میں گلابی لباس میں ملبوس ایک لڑکی نظر آ رہی ہے جو اپنے موبائل میں کچھ دیکھ رہی ہے، اور بہ ظاہر اس کا آدھا جسم کنکریٹ میں دھنسا ہوا ہے۔
پہلی نظر میں ایسا لگتا ہے جیسے لڑکی کو فرش میں دفن کر دیا گیا ہو، جس سے اس کا دھڑ اور بازو باہر رہ گئے ہوں، لیکن اس حیران کن تصویر کے لیے ایک معقول وضاحت موجود ہے۔
ٹھیک ہے، ہم اس میں آپ کی مدد کریں گے۔ لڑکی کو دفن نہیں کیا گیا بلکہ بغور دیکھیں تو پکی منڈیر پر آپ کو یہ لڑکی کہنی رکھے نظر آئے گی، وہ منڈیر پر کہنی رکھ کر موبائل دیکھ رہی ہے، جب کہ باقی جسم نیچے چھپا ہوا ہے۔
