حکومت ڈیم کے لیے جلد روڈ میپ بھی فراہم کرے گی، محمود الرشید -
The news is by your side.

Advertisement

حکومت ڈیم کے لیے جلد روڈ میپ بھی فراہم کرے گی، محمود الرشید

لاہور: صوبائی وزیر برائے ہاؤسنگ و شہری ترقی محمود الرشید نے اپوزیشن کی اس تنقید کہ حکومت کے پاس ڈیم کی تعمیر کے لیے کوئی روڈ میپ نہیں ہے کا جواب دیتے ہوئے کہا کہ حکومت ڈیم کے لیے جلد روڈ میپ بھی فراہم کرے گی۔

پاکستان تحریکِ انصاف کے رکن صوبائی اسمبلی محمود الرشید اے آر وائی نیوز کے پروگرام الیونتھ آور میں گفتگو کر رہے تھے، انھوں نے کہا ’قومی مسئلے پر عوام متحد ہے، سب بڑھ چڑھ کر حصہ لے رے ہیں۔‘

محمود الرشید نے کہا کہ حکومت بجٹ میں ڈیم کے لیے بھی رقم مختص کرے گی، حکومت کو توقع ہے کہ عوام اور اوورسیز پاکستانی ملک کی خاطر آگے آئیں گے، قوم میں جذبہ ہے اور ہم قومی مسائل کے حل کے لیے کوشاں ہیں۔

انھوں نے کہا ن لیگ کی حکومت نے کشکول توڑنے کی بجائے اسے اور بڑا کر دیا، 5 سال میں جتنے قرضے لیے گئے اتنے 70 سالوں میں بھی نہیں لیے گئے۔

ان کا کہنا تھا کہ قومی مسائل کے حل کا معاملہ صاف و شفاف ہوگا، گیس کی قیمتیں بڑھانے کی تجویز تھی اس پر عمل درآمد نہیں کیا گیا۔


دیا میربھاشا اورمہمند ڈیمزکی تعمیر کی نگرانی خود کروں گا، وزیر اعظم عمران خان


محمود الرشید نے کہا کہ عمران خان کی لیڈر شپ سے ملک کا پیسا واپس لے کر آئیں گے، عوام کے لوٹے گئے اربوں روپے اور ڈالر ملک میں واپس لائیں گے۔

واضح رہے کہ وزیرِ اعظم عمران خان نے چیئرمین واپڈا سے دیا مر بھاشا اور مہمند ڈیم کو ہنگامی بنیادوں پر بنانے سے متعلق گفتگو کرتے ہوئے کہا تھا کہ وہ خود ڈیمز کی تعمیر کی نگرانی کریں گے۔

Comments

comments

یہ بھی پڑھیں