The news is by your side.

Advertisement

مولانا فضل الرحمان ملک پر رحم کریں، شوکت یوسفزئی

پشاور: وزیر اطلاعات خیبرپختونخوا شوکت یوسفزئی نے کہا ہے کہ مولانا فضل الرحمان ملک پر رحم کریں۔

تفصیلات کے مطابق وزیر اطلاعات کے پی شوکت یوسفزئی نے قیوم اسٹیڈیم کا دورہ کرنے کے بعد میڈیا سے گفتگو کرتے ہوئے کہا کہ مولانا کا دھرنا آگے آگیا، کشمیر کا مسئلہ پیچھے چلا گیا ہے۔

شوکت یوسفزئی نے کہا کہ مولانا کی اپنی سیاست ہے وہ اس پر خود نطر دوڑائیں، مولانا کا ہی کہنا تھا کہ ایک دو سال میں حکومت کی کارکردگی نہیں جانچی جاسکتی ہے۔

انہوں نے کہا کہ مارچ کے شرکا کے لیے کے پی میں کوئی سڑک بند نہیں کی گئی، ہمارے لیے بہتر ہے کہ ترقی کو راستہ دیں انتشار پیدا نہ کریں۔

مزید پڑھیں: مولانا استعفے اورنئے انتخابات پر ڈٹے ہوئے ہیں ، پرویز خٹک

وزیر اطلاعات نے کہا کہ پی پی، ن لیگ دور میں مہنگائی عروج پر تھی، وزیراعظم جب تک زندہ ہیں احتساب کا عمل جاری رہے گا۔

ایک سوال کے جواب میں انہوں نے کہا کہ چاہتے ہیں کہ پی ایس ایل کے میچ پشاور میں ہوں، کھلاڑیوں کو مکمل سیکیورٹی اور تمام سہولتیں دیں گے، دہشت گردی کا خاتمہ ہوچکا، اب امن سے عوام مستفید ہورہے ہیں۔

واضح رہے کہ اس سے قبل وزیر دفاع پرویز خٹک نے کہا تھا کہ مولانا استعفے اور نئے انتخابات پر ڈٹے ہوئے ہیں، مولانا کو وزیراعظم کا استعفیٰ نہیں ملے گا۔

یاد رہے حکومت نے وقت سے قبل انتخابات کا اپوزیشن کا مطالبہ مسترد کر دیا ہے، حکومتی ذرائع کا کہنا ہے کہ مولانا کے تمام مطالبات پورے نہیں ہو سکتے، قبل از وقت انتخابات کا مطالبہ نہیں مانا جا سکتا، انتخابات وقت پر ہی ہوں گے۔

fb-share-icon0
Tweet 20

Comments

comments

یہ بھی پڑھیں