The news is by your side.

Advertisement

وزیرِ اعظم عمران خان سے ترکمانستان کے وزیر خارجہ کی ملاقات

اسلام آباد: وزیرِ اعظم عمران خان سے ترکمانستان کے وزیر خارجہ نے ملاقات کی ہے، ملاقات میں باہمی دل چسپی کے امور پر تبادلۂ خیال کیا گیا۔

تفصیلات کے مطابق ترکمانستان کے وزیر خارجہ راشد میریڈوو نے وزیرِ اعظم آفس میں وزیرِ اعظم عمران خان سے ملاقات کی، ملاقات میں ترکمانستان کابینہ کا وفد بھی شامل تھا۔

ترکمانستان کے وزیر توانائی اور پاکستان میں تعینات سفیر نے بھی ملاقات میں شرکت کی۔

وزیرِ اعظم عمران خان نے ترکمانستان کے وزیر خارجہ راشد میریڈوو کو خوش آمدید کہا، ملاقات میں دونوں ملکوں کے درمیان باہمی دل چسپی کے امور پر تبادلہ خیال ہوا۔

دونوں ممالک نے گیس اور بجلی کے شعبوں میں تعاون بڑھانے پر اتفاق کیا، وزیر اعظم نے دونوں ممالک کے درمیان حالیہ تعلقات پر اطمینان کا بھی اظہار کیا۔

یہ بھی پڑھیں:  پاک جرمنی تعلقات جمہوری اقدار میں جڑے ہوئے ہیں، وزیر اعظم عمران خان

راشد میریڈوو نے ترکمانستان کی قیادت کا پیغام وزیر اعظم عمران خان کو پہنچایا، ترکمانستان کی قیادت نے پیغام میں کہا کہ پاکستان کی خوش حالی اور ترقی کے لیے دعاگو ہیں۔

وزیر اعظم عمران خان نے بھی ترکمانستان کے صدر گربن گلے کے لیے نیک تمناؤں کا اظہار کیا۔

خیال رہے کہ آج وزیر اعظم عمران خان سے جرمن وزیر خارجہ ہائیکو ماس نے بھی ملاقات کی، جس میں مسئلہ کشمیر اور مختلف سیکٹر میں سرمایہ کاری سمیت باہمی دل چسپی کے امور پر تبادلہ خیال کیا گیا۔

Comments

comments

یہ بھی پڑھیں