عید میلاد النبی ﷺ شایانِ شان انداز میں عقیدت و احترام سے منائیں گے، وزیرِ مذہبی امور -
The news is by your side.

Advertisement

عید میلاد النبی ﷺ شایانِ شان انداز میں عقیدت و احترام سے منائیں گے، وزیرِ مذہبی امور

اسلام آباد: وزارتِ اطلاعات میں میلاد النبی ﷺ کانفرنس آرگنائزنگ کمیٹی کا اجلاس منعقد ہوا، جس میں وزیرِ مذہبی امور نے کہا کہ عید میلاد النبی ﷺ شایانِ شان اندز میں عقیدت و احترام سے منائیں گے۔

تفصیلات کے مطابق وزارتِ اطلاعات میں منعقدہ میلاد النبیؐ کانفرنس آرگنائزنگ کمیٹی کے اجلاس میں عید میلاد النبیؐ کی تیاریاں مربوط بنانے کی تجاویز اور لائحۂ عمل پر غورکیا گیا۔

عید میلاد النبیؐ پر سرکاری ٹی وی اور ریڈیو پاکستان پر خصوصی پروگرامز ترتیب دیے جائیں گے

فواد چوہدری وزیر اطلاعات

وزیرِ مذہبی امور پیر نور الحق قادری نے کہا کہ ماہِ ربیع الاوّل میں بین الاقوامی سیرت کانفرنس کا انعقاد ہو رہا ہے، جس میں آپ ﷺ کی حیاتِ طیبہ کو پوری دنیا کے سامنے اجاگر کریں گے۔

اس موقع پر وفاقی وزیرِ اطلاعات فواد چوہدری نے کہا کہ حضرت محمد مصطفی ﷺ کی عظمت اور حُرمت کی پاس داری ہر مسلمان پر فرض ہے۔

وزیرِ اطلاعات نے کہا کہ عید میلاد النبیؐ کے سلسلے میں سرکاری ٹی وی اور ریڈیو پاکستان پر خصوصی پروگرامز ترتیب دیے جائیں گے، پروگرامز میں آپؐ کی تعلیمات اور پیغام کو اجاگر کیا جائے گا۔


یہ بھی پڑھیں:  حکومت کا 2 روزہ ختمِ نبوّت عالمی کانفرنس کرانے کا فیصلہ


فواد چوہدری نے اجلاس میں کہا کہ 12 ربیع الاوّل کی مناسبت سے نکلنے والے جلوسوں کی بھی خصوصی کوریج ہوگی۔ انھوں نے کہا کہ وقت کے ساتھ ساتھ حضورؐ کے لائے ہوئے نظام کی حقانیت اور اہمیت ثابت ہو رہی ہے۔

یاد رہے کہ دو روز قبل وزیرِ اعظم عمران خان نے وفاقی وزیرِ مذہبی امور کے ساتھ ملاقات میں وزارتِ مذہبی امور کو ہدایت کی تھی کہ دو روزہ ختم نبوت عالمی کانفرنس منعقد کی جائے اور 12 ربیع الاوّل کو شایان شان طریقے سے منایا جائے۔

Comments

comments

یہ بھی پڑھیں