اسلام آباد : وزارت تجارت نے لگژری آئٹمز پر پابندی کا نوٹیفکیشن جاری کر دیا ، جس میں موبائل فون،گاڑیوں ، فرنیچر سمیت دیگر 38اشیا شامل ہیں۔
تفصیلات کے مطابق حکومتی فیصلے کے بعد وزارت تجارت نے لگژری آئٹمزپرپابندی کانوٹیفکیشن جاری کر دیا، جس میں کہا گیا ہے کہ پابندی کااطلاق فوری طورپر ہوگا۔
نوٹیفکیشن میں کہا گیا کہ موبائل فون، آئسکریم، میوزیکل آلات، جیلی سمیت دیگر 38 اشیا کی درآمد پر پابندی عائد کی گئی ہے۔
نوٹیفکیشن کے مطابق دیگر اشیا میں گاڑیوں، سگریٹس،ٹشو پیپرز،فرنیچر،جوسز ، ہیئرڈرائیرز دیگرسیلون آئٹمز،لگژری لیدر ایپرل ، پاستہ فیز شدہ گوشت،کچن ویئرز، اریٹڈ واٹر،سن گلاسز شامل ہیں۔
وزارت تجارت کا کہنا ہے کہ ہیٹرز، بلوئرز،کارن فلیکس، لگژری میٹرس،لیپنگ بیگ ، شیمپوز،کنفکشریز،جشک میوہ جات وخشت پھلوں ، کارپٹ،مچھلی وفیزشدہ مچھلی سینٹری کےسامان ، ساوسز،کیچ اَپ،ٹریولنگ بیگز،سوٹ کیس،کراکری کی درآمد پر پابندی عائد کی ہے۔
واضح رہے گذشتہ روز وفاقی وزیر اطلاعات مریم اورنگزیب نے پریس کانفرنس کرتے ہوئے بتایا تھا کہ حکومت نے بیرون ملک سے موبائل فون، گاڑیاں، اسلحہ، جوتوں، امپورٹڈ سینٹری، فرنیچر، میک اپ، شیمپوز منگوانے پر پابندی عائد کردی ہے، اب سے لگژری اور غیر ضروری آئٹمز کی درآمد پر مکمل پابندی ہوگی۔
