ملک کے مخدوش معاشی حالات دفاعی ضروریات پر اثر انداز ہونے لگے ہیں اور دفاعی درآمدات کی ایل سی کے لیے وزارت خزانہ کی اجازت لازمی قرار دے دی گئی ہے۔
ذرائع نے اے آر وائی نیوز کو بتایا ہے کہ ملک کے مخدوش معاشی حالات دفاعی ضروریات پر اثر انداز ہونے لگے ہیں اور اب دفاعی درآمدات کی ایل سی کے لیے وزارت خزانہ کی اجازت لازمی قرار دے دی گئی ہے۔ یہ وہ قدغن ہے جو ماضی میں کبھی نہیں لگائی گئی تھی۔
ذرائع کے مطابق اس قدغن کے بعد اب دفاعی سامان بھی وزارت کی اجازت کے بغیر نہیں آسکے گا۔
ذرائع نے بتایا کہ پاکستان نے ڈالر کی قلت پر قابو پانے کے لیے درآمدات کی بھرپور حوصلہ شکنی کر رکھی ہے۔ اسی وجہ سے امپورٹرز اور کمپنیز کی ہزاروں ایل سیز التوا کا شکار ہیں اور ایل سیز بروقت نہ کھولنے کی وجہ سے صنعتی شعبہ زبوں حالی کا شکار ہے۔
ذرائع کے مطابق ملک میں اسٹیٹ بینک کے زرمبادلہ کے ذخائر 6.9 ارب ڈالر کی خطرناک حد پر آگئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں