The news is by your side.

Advertisement

سیاسی شخصیت کی سفارش پر وزارت قومی صحت میں خلاف قواعد تقرری

اسلام آباد: وفاقی حکومت نے خلاف قواعد ڈاکٹر غلام رزاق کو فارمیسی کونسل پاکستان کا سیکریٹری تعینات کر دیا۔

ذرائع کے مطابق وزارت قومی صحت میں ایک سیاسی شخصیت کی سفارش پر خلاف قواعد تقرری کی گئی ہے، ڈاکٹر غلام رزاق گریڈ 20 کے افسر ہیں لیکن انھیں گریڈ 18 کی سیٹ پر تعینات کر دیا گیا ہے۔

ذرائع کا کہنا ہے کہ ڈاکٹر غلام رزاق کو 3 ماہ کے لیے سیکریٹری پی سی پی مقرر کیا گیا ہے، وزارت قومی صحت نے ڈاکٹر غلام رزاق کی تعیناتی خلاف قواعد کی ہے۔

ذرائع کے مطابق ایسوسی ایٹ پروفیسر غلام رزاق بلوچستان میں محکمہ صحت کے ملازم ہیں، وفاقی حکومت صوبائی ملازم کو اضافی چارج نہیں دے سکتی۔

ذرائع کا یہ بھی کہنا ہے کہ ڈاکٹر غلام رزاق کی تعیناتی ایک سیاسی شخصیت کی سفارش پر ہوئی ہے۔

Comments

یہ بھی پڑھیں