The news is by your side.

Advertisement

یومِ آزادی کی تقریبات سے متعلق ہدایت نامہ تیار

اسلام آباد : وزارت قومی صحت نے یوم آزادی کی تقریبات سےمتعلق ہدایت نامہ تیار کرلیا ہے، جس میں کہا گیا ہے کہ یوم آزادی کی تقریبات میں شرکاء کی حاضری کم سے کم رکھی جائے۔

تفصیلات کے مطابق یوم آزادی کی تقریبات سےمتعلق وزارت قومی صحت کی جانب سے ہدایت نامہ تیار کرلیا گیا ہے، ہدایت نامےکا مقصد تقریبات میں وائرس سے بچاؤکےرہنما اصول فراہم کرنا ہے۔

ہدایت نامے میں کہا گیا ہے کہ تقریبات میں احتیاطی تدابیر مرض کاپھیلاؤ محدود کرنےکیلئے اہم ہیں، یوم آزادی کی ورچول تقریبات سے وائرس کے پھیلاؤ کا خدشہ کم ہے۔

وزارت قومی صحت کا کہنا ہے کہ یوم آزادی کی تقریبات میں شرکاء کی حاضری کم سے کم رکھی جائے اور چھوٹی تقاریب میں غیر مقامی افرادکو شریک نہ کریں، چھوٹی تقاریب میں سماجی فاصلہ برقرار رکھیں ماسک اور دستانوں کااستعمال کریں۔

ہدایت نامے کے مطابق یوم آزادی تقریبات کے لیے متعدد داخلی و خارجی راستے رکھے جائیں اور تقریبات کیلئے مقررین کی تقاریر ریکارڈ کی جائیں جبکہ پرچم کشائی تقاریب کوسرکاری دفاتر تک محدود کیاجائے۔

پرچم کشائی تقاریب میں بزرگ، بچوں اورطلباکوشریک نہ کیاجائے جبکہ تقاریب کے شرکاکی تھرمل اسکیننگ کی جائے، سماجی فاصلہ کا خاص خیال رکھا جائے اور پرچم کی رسی کو چھونے سے قبل سینی ٹائز کیا جائے۔

Comments

یہ بھی پڑھیں