منٰی جیسےحادثات روکنا انسانی اختیارمیں نہیں،سعودی مفتی اعظم -
The news is by your side.

Advertisement

منٰی جیسےحادثات روکنا انسانی اختیارمیں نہیں،سعودی مفتی اعظم

ریاض: سعودی مفتی اعظم نے کہا ہے کہ منٰی جیسےحادثات روکنا انسانی اختیار سے باہر ہے، قسمت اورتقدیرکوروکنا ممکن نہیں ہے۔

سعودی عرب کے سرکاری خبررساں ادارے کے مطابق حج کمیٹی کےسربراہ سعودی شہزادے نے مفتی اعظم شیخ عبدالعزیزبن عبداللہ سے ملاقات کی۔ مفتی اعظم نے شہزادہ محمد بن نائف سے کہا کہ ’جو کچھ ہوا آپ اس کے ذمہ دار نہیں‘۔

 سعودی عرب کے مفتی اعظم کا کہنا ہے کہ حج کے دوران ہونے والی 700 سے زیادہ ہلاکتوں جیسے واقعات کو روکنا انسانی اختیار سے باہر ہے۔

 انہوں نےشہزادہ محمد سے یہ بھی کہا کہ جو چیزیں انسانی کنٹرول میں نہیں،ان کےلیے آپ کو مورد الزام نہیں ٹھہرایا جاسکتا۔ قسمت اور تقدیر پرکسی کازورنہیں چلتا۔

دوسری جانب بھگدڑ میں جاں بحق ہونے والوں کی شناخت ہونا شروع ہو گئی، اب تک سامنے آنے والے اعدادوشمارمیں سب سےزیادہ شہریوں کا تعلق ایران سے ہے،ایرانی حکام کے مطابق ان کے 131 شہری جاں بحق ہوئے۔

Comments

comments

یہ بھی پڑھیں