تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

امی نے ڈانٹا کیوں، کم عمربچے لاہورسے بھاگ کرکراچی پہنچ گئے

کراچی: ماں کی ڈانٹ سے خوف زدہ ہوکر کم عمر بچے لاہور سے بھاگ کر کراچی پہنچ گئے، پولیس نے اپنی تحویل میں لے لیا۔

تفصیلات کے مطابق لاہور میں والدہ نے کم عمر بچی کو ڈانٹا تو بچی دلبرداشتہ ہو کرگھرچھوڑگئی، گھر سے جاتے ہوئے اپنے چھوٹے بھائی کو بھی ساتھ لے آئی۔

لاہور پولیس اور ریلوے انتظامیہ کی کارکردگی پر اس وقت سوالیہ نشان کھڑے ہوگئے جب یہ بچے کراچی کے علاقے ڈیفنس میں پولیس کو ملے۔

پولیس کا کہنا ہے کہ دونوں بچے کینٹ اسٹیشن پر ٹرین سے اترے اور گھومتے پھرتے شہر قائد کے علاقے ڈیفنس پہنچ گئے جہاں ڈیفنس تھانے کی پولیس نے انہیں اپنی حفاظتی تحویل میں لیا۔

بچی کا کہنا ہے کہ اس کی والدہ نے اسے بہت ڈانٹا تھا جس کے سبب وہ اپنا گھر چھوڑ آئی اورچھوٹے بھائی کو بھی اس لیے ساتھ لے آئی کہ امی اسے نہ ڈانٹ سکیں۔

پولیس نے لاہور میں بچوں کے والدین سے رابطہ کرلیا ہے اوربچوں کو ساحل تھانے منتقل کردیا گیا ہے ۔ والدین کے کراچی آنے پر بچوں کو ان کے والدین کے حوالے کردیا جائے گا۔

اس واقعے نے کئی سوالات کھڑے کردیے ہیں کہ کس طرح بچے اپنے گھر سے نکل کر لاہور کے ریلوے اسٹیشن پر پہنچے ؟۔ کیسے وہاں سے کراچی کی ٹرین میں سوار ہوکر اتنا طویل سفر ٹکٹ چیکر اور ریلوے پولیس کی نظر میں آئے بغیر کرگئے۔ اور آخر کیسے یہ دونوں بچے کینٹ اسٹیشن سے باہر بھی آگئے؟۔

پولیس کی جانب سے بچوں اوران کے والدین کی شناخت مخفی رکھی جارہی ہے ۔

یاد رہے کہ ماہرین نفسیات کہتے ہیں کہ آج کے دور میں جہاں میڈیا کے ذریعے بچے بہت کچھ دیکھ رہے ہیں اور سیکھ رہے ہیں ، بچوں کی تربیت میں شفقت اور نرمی کا تاثر غالب رہنا چاہیے بصورت دیگر بچے کسی بھی انتہائی قدم کی جانب جاسکتے ہیں۔

Comments

- Advertisement -